මෙම ඡායාරූපය බැලූ බැල්මටම SpaceX X1 සංකල්පීය හයිපර්සොනික් ප්‍රහාරක ජෙට් යානය බව නිරූපණය කරයි. නමුත් මෙම ඡායාරූප සත්‍ය ද? යන්න  නිරීක්ෂණය කිරීමට Google Lense හරහා ඊට සමාන සත්‍ය ඡායාරූප පිළිබඳ Factseeker සොයා බැලීමක් කළේ ය.

නමුත් එම ජෙට් යානාවලට සමාන, Tesla හෝ SpaceX සමාගම  විසින් නිපද වූ ජෙට් යානාවල කිසිදු නිල ඡායාරූපයක සාක්ෂියක් අන්තර්ජාලයේ පල වි නොතිබුණි. එසේම  ‘ටෙස්ලා සමාගම විසින් නිපදවූ UFO ප්‍රහාරක ජෙට් යානා’ ලෙස දක්වමින් තවත් එවැනිම ආකාරයේ ඡායාරූප විවිධ විදෙස් මාධ්‍යන් තුළ සංසරණය වන බව Fact Seeker ට සොයා ගැනීමට හැකි විය.

මේ අතරින් කිහිපයක් Sightengine.com හරහා පරීක්ෂා කිරීමේදී ඒවා කෘත්‍රිම බුද්ධිය යොදා ගනිමින් නිර්මාණය කරන ලද බව පැහැදිලි විය.

එසේම ඉලෝන්මස්ක්ගේ මෙම ප්‍රහාරක ජෙට් යානා පිළීබඳ කරුණු සොයා බැලීමේදී  Tesla හෝ SpaceX සමාගම්වල නිල වෙබඩවිවල ඒ සම්බන්ධ නිල ප්‍රවෘත්ති කිසිවක් වාර්තා වී නොමැති බව නිරීක්ෂණය  විය.

එසේම විදේශීය වෙබ් අඩවියක් වන Medium වෙබ් අඩවියේ දැක්වූ ලිපිය අනුව ඉලෝන් මස්ක් UFO ප්‍රහාරක යානය පිළිබඳව සංකල්පයක් හෙළි කර කර තිබෙන බව පැහැදිළි කර තිබේ.

එම ලිපිය මෙතැනින්;   https://fixyourfin.medium.com/elon-musk-unveils-ufo-fighter-jet-that-defies-physics-c3f990079e0e#:~:text=Elon%20Musk%20has%20stunned%20the%20world%20with,the%20mind%2Dblowing%20technology%20behind%20this%20incredible%20aircraft

නමුත් තවමත් ඉලෝන් මස්ක් එවැනි ව්‍යාපෘතියක කටයුතු කරමින් සිටින බව හෝ එවැනි ජෙට් යානයක් නිර්මාණය කර ඇති බවට කිසිදු සඳහනක් එම ලිපියේ ඉදිරිපත් කොට නැත.

තවදුරටත් මේ පිළිබද සොයා බැලිමේදී විදේශීය වෙබ් අඩවියක මේ සම්බන්ධයෙන් කරුණු පරීක්ෂා කරන ලද ලිපියක්  Factseeker ට හමු විය.

එම ලිපිය මෙතැනින්; https://www.slashgear.com/1692227/elon-musk-ufo-fighter-jet-is-it-real/

ඒ ලිපියේ අර්ථදැක්වීම් අනුව මේ වන විට ඉලෝන් මස්ක් ප්‍රහාරක ජෙට් යානයක් නිර්මාණය කරන බවට කිසිඳු සාක්ෂියක්, නිවේදනයක් හෝ කිසිඳු ආකාරයක පිළිගතහැකි වාර්තා කිරීමක් කර නැති බව තහවුරු කරයි.

මේ අනුව ඉලෝන් මස්ක් අයත් ටෙස්ලා සමාගම විසින් කිසිදු ආකාරයක ප්‍රහාරක ජෙට් යානයක් තවමත්  2024 තුළ නිර්මාණය කර ඉදිරිපත් කර නොමැති බවත්, ඒ පිළිබඳ සංකල්පයක් පමණක් කර ඇති හෙළි කර බවත් Fact Seeker තහවුරු කරයි.

දැනට එම ජෙට් යානය යැයි සඳහන් කරමින් සංසරණය වන සියළු ඡායාරූප ව්‍යාජ ලෙස සංස්කරණය කරන හෝ කෘතීම බුද්ධියෙන් නිර්මාණය කරන ලද ඡායාරූප බව ද Fact Seeker තහවුරු කරයි.