ඉරාන ජනාධිපති ඊබ්රාහිම් රයිසි ගමන් ගත් හෙලිකොප්ටරය අනතුරට ලක්වන විඩියෝවක්ද ?
ඉරාන ජනාධිපති ඊබ්රාහිම් රයිසි මහතා ගුවන් අනතුරකින් ජීවිතක්ෂයට පත්ව ඇති බව ඉරාන ජාතික මාධ්ය අද(20දා) පෙරවරුවේ තහවුරු කළ අතර මේ සමගම ඉරාන ජනාධිපතිවරයාගේ ගුවන් අනතුර සිදුවු ආකාරය බව සඳහන් කරමින් විඩියෝ පෙළක් සමාජ මාධ්ය තුළ හුවමාරුවෙමින් පවතී.
by Anonymous |
මැයි 20, 2024
අන්තර්ජාතික වශයෙන් හුවමාරු වන මෙම විඩියෝව ශ්රී ලංකාවේ සමාජ මාධ්ය පිටු හරහා ද හුවමාරු වන බව නිරීක්ෂණය වීමෙන් පසුව මේ පිළිබඳ සොයා බැලීමට Factseeker කටයුතු කළේය.
ඊබ්රාහිම් රයිසි මහතා ගමන් ගත් හෙලිකොප්ටර් යානය අනතුරට ලක්වන ආකාරය හෝ ඒ පිළිබඳ විඩියෝ පට කිසිවක් ඉරාන මාධ්ය වාර්තා කර නොමැති අතර අනතුර සිදුවන අවස්ථාවේ අයහපත් කාලගුණයක් පැවැති බව එම මාධ්ය සඳහන් කර තිබේ.
මෙලෙස හුවමාරු වන විඩියෝව සම්බන්ධයෙන් වැඩිදුරටත් සොයාබැලීමේදි එය අන්තර්ජාලය හරහා විඩියෝ නිර්මාණය කරන ARMA සහ Bohemia Interactive a.s හි අන්තර්ගතයන් භාවිතයෙන් ප්රවෘත්ති අනුකරණයක් ලෙස සකසා ඇති බව තහවුරු විය.
ඒ අනුව මෙලෙස හුවමාරුවන විඩියෝව සත්ය විඩියෝවක් නොවන බව Factseeker තහවුරු කරයි
