අයිස්ලන්තයෙන් මෙරටට පැමිණි පළමු සංචාරක පිරිස ?
ඉතිහාසයේ පළමු වරට අයිස්ලන්තයෙන් සංචාරකයින් පිරිසක් ලංකාවට පැමිණ ඇති බව සඳහන් කරමින් සමාජ මාධ්‍ය පෝස්ටු කිහිපයක් හුවමාරු වෙමින් පැවැතිණි.
by Anonymous |
නොවැම්බර් 12, 2024
මෙතැනින් –
https://www.facebook.com/share/p/1GKrKvJA4n/
https://www.facebook.com/share/p/1XnNkB7M7z/
https://www.facebook.com/share/p/1D5G5GJWLh/
ඒ අනුව අයිස්ලන්තයෙන් මීට පෙර සංචාරකයින් මෙරටට නොපැමිණියේද? යන්න පිළිබඳව Factseeker විමර්ශනයක යෙදුනි.
මෙම පෝස්ටුවලට අදාළව ප්‍රවෘත්ති ප්‍රධාන ධාරාවේ මාධ්‍යවල සහ වෙබ් අඩවිවල ද පල කර තිබෙන බව Factseeker නිරීක්ෂණය කළේ ය.
https://mawbima.lk/2024/11/05/tourists-arrive-from-iceland/
https://www.virakesari.lk/article/197946
Factseeker මේ සම්බන්ධයෙන් සංචාරක සංවර්ධන අධිකාරියෙන් කළ විමසීමේදී ඔවුන් ප්‍රකාශ කළේ, ඒ ඒ රටවලට අදාළව සංචාරකයින්ගේ පැමිණීම පිළිබඳ සියලු දත්ත වෙබ් අඩවියේ යාවත්කාලීන කර ඇති බවයි.
https://www.sltda.gov.lk/en/statistics
ඒ අනුව සංචාරක සංවර්ධන අධිකාරියේ වෙබ් අඩවියෙන් ලබාගත් දත්ත පහත පරිදි දැක්විය හැක.
මේ පිළිබඳ වැඩිදුරටත් සොයා බැලීමේදී මෙම ඡායාරූපයේ දැක්වෙන බැනරය සඳහා යොදා ගෙන ඇති වචන දෙස Factseeker අවධානය යොමු කළේ ය. එම බැනරයේ සඳහන් boenda යන වචනය අයිස්ලන්තයේ සංචාරක නියෝජිත ආයතනයක නම බව සොයා ගැනීමට හැකි විය.
එම නියෝජිත ආයතනය https://www.baendaferdir.is/
දෙවනුව මෙම පිරිස උත්සවශ්‍රීයෙන් පිළිගැනීමට හා මෙරටට පැමිණි පළමු කණ්ඩායම ලෙස සැලකීමට හේතුව කුමක්දැයි සොයා බැලීය.
ඒ සම්බන්ධයෙන් බණ්ඩාරනායක ජාත්‍යන්තර ගුවන්තොටුපලේ මහජන සම්බන්ධතා අධ්‍යක්ෂිකා මධුභානි පෙරේරා මහත්මිය අපි දුරකතනයෙන් සම්බන්ධ කර ගත්තෙමු. එහිදී ඇය ප්‍රකාශ කළේ, මෙය රාජ්‍ය අනුග්‍රහය මත සිදු වූවක් නොවන බවයි.
මෙම කණ්ඩායම මෙරටට පැමිණ ඇත්තේ විදේශ සංචාරක සමාගමක් වන ජෙට්වින් ට්‍රැවල්ස් සමගය. එම නිසා අපි එම සමාගමේ මෙම සංචාරය සංවිධානය කළ විසේගන් සිවකුමාර් මහතාගෙන් විමසීමක් කළෙමු .
ඔහු පැවසූ පරිදි මෙම අයිස්ලන්ත සංචාරකයින් පිරිස “යෝග” භාවනා වැඩසටහනක් සඳහා මෙරටට පැමිණ ඇත. මොවුන් Jetwin Travels සමග මෙරටට පැමිණි පළමු අයිස්ලන්ත සංචාරකයින් පිරිස බව ද ඔහු පැවසීය.
Jetwin Travels සමාගමේ සංචාරක සත්කාරය සපයන පළමු අයිස්ලන්ත කණ්ඩායම මෙම පිරිස බැවින් එම සමාගමේ ඉල්ලීම පරිදි විදේශ සේවා ප්‍රවර්ධන කාර්යාංශය හා එක්ව ඔවුන් මෙම පිළිගැනීමේ උත්සවය සංවිධානය කර ඇත.
මෙම කරුණු විමර්ශනය කර බැලීමේ දී මෙම අයිස්ලන්ත සංචාරක කණ්ඩායම ඉතිහාසයේ ප්‍රථම වරට ශ්‍රී ලංකාවට පැමිණි සංචාරක කණ්ඩායම නොවන අතර Jetwin Travels සමග පැමිණි පළමු සංචාරක කණ්ඩායම බව FactSeeker තහවුරු කරයි.
