එය රජයේ ප්‍රවෘත්ති දෙපාර්තමේන්තුවේ ලිපි ශීර්ෂය සහිතව සකස් කර තිබේ. මෙහි සත්‍යාසත්‍යතාව පරීක්ෂා කිරීමට FactSeeker කටයුතු කළේය.

FactSeeker මේ සම්බන්ධයෙන් රජයේ ප්‍රවෘත්ති දෙපාර්තමේන්තුවේ නිල මූලාශ්‍ර පරීක්ෂා කිරීමට කටයුතු කළේය. එහිදී අදාළ ඡායාරූපය ව්‍යාජ ලෙස සකස් කරන ලද්දක් බවට, රජයේ ප්‍රවෘත්ති අධ්‍යක්ෂ ජනරාල් එච්. එස්. කේ. ජේ. බණ්ඩාරගේ අත්සනින් යුතු ලිපියක් රජයේ ප්‍රවෘත්ති දෙපාර්තමේන්තුවේ නිල සමාජ මාධ්‍ය පිටු ඔස්සේ පළ කර තිබිණි.

FactSeeker එම ඡායාරූපය පිළිබඳව තවදුරටත් කළ සොයා බැලීමේදී අනාවරණය වූයේ එය 2024.04.10 වන දින රජයේ ප්‍රවෘත්ති දෙපාර්තමේන්තුව නිකුත් කළ නිල නිවේදනයක් සංස්කරණය කර සකසා ඇති බවයි.

ඒ අනුව, අප්‍රේල් 15 නිවාඩු දිනයක් බවට දක්වමින් රජයේ ප්‍රවෘත්ති දෙපාර්තමේන්තුවේ ලිපි ශීර්ෂය සහිතව සංසරණය වන නිවේදනය ව්‍යාජ එකක් බව FactSeeker තහවුරු කරයි.