මෙම විවාදය සදහා තමා සූදානම් බව අනුර කුමාර දිසානායක මහතා විසින් කැමැත්ත පළ කරන බව ජාතික ජන බලවේගයේ ජාතික විධායක සභික වෛද්‍ය නලින්ද ජයතිස්සගේ අත්සනින් යුත් ලිපියක් සමගි ජන බලවේගයේ මහලේකම් රංජිත් මද්දුම බණ්ඩාර වෙත යොමු කර තිබිණි.

මේ අතර තුර අදාළ විවාදය සදහා තමාට ජුනි 31 වෙනිදා සහභාගි විය හැකි බව විපක්ෂ නායක සජිත් ප්‍රේමදාසගේ අත්සනින් යුතුව අනුර කුමාර දිසානායකට යැවූ ලිපියක් සමාජ මාධ්‍යවල හුවමාරු වෙමින් පවිතී.

ජුනි මාසය දින 30 කින් යුක්ත වන අතර ජුනි 31 වෙනිදා දිනයක් දින දර්ශනයේ නොමැති බැවින් මේ පිළිබද සොයා බැලීමට Factseeker පියවර ගත්තේ ය.
ඒ අනුව විපක්ෂ නායක කාර්යාලයේ මාධ්‍ය ඒකකයෙන් කළ විමසීමකදී ඔවු න් ප්‍රකාශ කළේ, සජිත් ප්‍රේමදාස විසින් මෙවැනි ලිපියක් නොයැවූ අතර හුවමාරු වන මෙම ලිපිය ව්‍යාජ ලිපියක් බවයි.

එමෙන්ම සමගි ජන බලවේගය පාර්ශවයෙන් මෙතෙක් විවාදය සදහා දිනයක් ලබා දී නැති බව ද එම මාධ්‍ය අංශය වැඩිදුරටත් සදහන් කළේ ය.

ඒ අනුව සමාජ මාධ්‍ය හරහා හුවමාරු වන මෙම ලිපිය ව්‍යජ ලිපියක් බව Factseeker තහවුරු කරයි.