මේ සම්බන්ධයෙන් ‘සතිය’ වෙබ් අඩවියේ පළ වූ ප්‍රවෘත්තියේ ශීර්ෂ පාඨය වී තිබුණේ,  “දිලිත් සමග සංවාදයකට අනුර බෑ කියයි” යනුවෙනි. එමෙන්ම දිලිත් ජයවීර කර ඇති අභියෝගය අනුර කුමාර දිසානායක විසි් ප්‍රතික්ෂේප කර තිබෙන බව ද එහි සදහන් කර ඇත.

මේ අතර ‘ලංකා සී නිව්ස්’ වෙබ් අඩවිය ද මේ සම්න්ධයෙන් ප්‍රවෘත්තියක් පළ කර තිබිණි. ඔවුන් ද සදහන් කර ඇත්තේ, අනුර කුමාර දිසානායක විසින් මෙම අභියෝගය ප්‍රතික්ෂේප කර ඇති බවයි.

අනුර කුමාර දිසානායක මේ සම්බන්ධයෙන් ප්‍රකාශයක් කර ඇත්තේ, ඉකුත් 08 දා (පෙරේදා) “සියත” රූපවාහිනී නාලිකාවේ විකාශය වූ “Turning point” සජීවී දේශපාලන සංවාදයේදී මාධ්‍යවේදියා නැගූ ප්‍රශ්නයකට පිළිතුරු දෙමිනි. ඔහු එහිදී ප්‍රකාශ කළේ, “මම එයාට කියන්නේ නගර සභාවට ඉල්ලලා මන්ත්‍රී ධූරයක්වත් අරන් එන්නකෝ අප්පා. මොනවද මේ කතා. ප්‍රාදේශීය සභාවක්වත් දිනලා එන්න කියන්න.” යනුවෙනි.

එම වීඩියෝව මෙතැනින් – https://youtu.be/XaOyYR35QMQ?t=5294

එමෙන්ම Fact seeker මේ සම්බන්ධයෙන් ජාතික ජනබලවේගයේ මාධ්‍ය ඒකකයෙන් කළ විමසීමකදී ඔවුන් සදහන් කළේ, එම සංවාදය සහභාගී වන්න නම්, නගර සභාවක හෝ ප්‍රාදේශීය සභාවක මන්ත්‍රී ධූරයක්වත් අරන් එන්නැයි  අනුර කුමාර දිසානායක මහතා පැවැසූ බවයි.

ඒ අනුව අනුර කුමාර දිසානායක, දිලිත් ජයවීර සමග සංවාදය ප්‍රතික්ෂේප කළ බව පැවැසෙන ප්‍රවෘත්ති අසත්‍ය බව  Fact seeker තහවුරු කරයි.