“පාප්” ධූරය යනු කතෝලික සංඝ සභාවේ නායකත්වය මෙන්ම වතිකානුවේ රාජ්‍යත්වය යි. පාස්කු සඳුදා දින අති උතුම් ෆ්‍රැන්සිස් පාප් වහන්සේගේ අභාවයෙන් පසු ඔහුගේ 267වන අනුප්‍රාප්තිකයා තෝරා පත් කර ගැණීම සඳහා ලොව වටා කාදිනල් වරුන්ගෙන් 133කුගෙන් සමන්විත සංඛ්‍යාවක් සිස්ටයින් දේවස්ථානයට පැමිණ සිටී.

පාප් ධුරය සඳහා අපේක්ෂිත කාදිනල්වරුන්ගේ නම් සහ  තොරතුරු ලැයිස්තුව  මෙතැනින්:

https://www.catholic-hierarchy.org/bishop/scardc3.html

මෙය කතෝලික ජනතාවට ඉතාම උණුසුම් පුවතක් ව තිබෙන මොහොතක කොළඹ අගරදගුරු මැල්කම් රංජිත් හිමිපාණන් වහන්සේ මේ වන විටත් “පාප්” තනතුරට පත් කර ඇති බව සඳහන් කරමින් සමාජ මාධ්‍ය තුළ පළ කිරීම් හුවමාරු වන අකාරය FactSeeker නිරීක්ෂණය කළේය.

නමුත් විදෙස් මාධ්‍ය යාවත්කාලීන වීම්වල නව පාප්වහන්සේ පත් කර ඇති බවට නිල වශයෙන් දැක්වෙන පුවත් කිසිවක් පළ වී නොමැති බව FactSeeker  කළ නිරීක්ෂණයේදී තහවුරු විය.එසේම නව පාප්වහන්සේ පත්කිරීම සඳහා වන කොන්ක්ලේව් (Conclave) සමුළුව 2025 මැයි මස 07වන දින එරට වේලාවෙන් උදෑසන 10ට ශාන්ත පීතර බැසිලිකාවේදී මහජන ශුද්ධ දිව්‍ය පූජාවකින් ආරම්භ වීමට නියමිත බව විදෙස් මාධ්‍ය වාර්තා කර තිබේ. එය මෙරට වේලාවෙන් පස්වරු 1.30 පමණ වෙයි.

මේ පිළිබඳ යාවත්කාලීන විදෙස් පුවත් කිහිපයක් මෙතැනින්:

https://www.bbc.com/news/articles/c15v5n0knv3o

https://www.abc.net.au/news/2025-05-07/conclave-begins-to-elect-new-pope/105240966

ඒ අනුව 267වන “පාප්” තනතුර සඳහා අති උතුම් මැල්කම් කාදිනල් රංජිත් හිමිපාණන් වහන්සේ පත්ව ඇති බවට සමාජ මාධ්‍යයේ පළ වන පුවත් අසත්‍ය බව FactSeeker තහවුරු කරයි.