මෙම අමානුෂික සිදුවීමට මුහුණ දුන්  වෛද්‍යවරියගේ පෞද්ගලික තොරතුරු හා ඡායාරූප කිසිවක් පළ නොකරන ලෙස සෞඛ්‍ය හා ජනමාධ්‍ය ඇමැති නලින්ද ජයතිස්ස මෙන්ම  වෛද්‍ය සංගම් සියලුම මුද්‍රිත හා විද්‍යුත් මාධ්‍යවලින් ද ඉල්ලීමක් කර තිබුණි.

එසේ තිබියදී සමාජ මාධ්‍ය තුළ hiru gossip  වෙබ් අඩවියේ අදාළ වෛද්‍යවරියගේ බව හැඟවෙන ඡායාරූපයක් සහිතව “වෛද්‍ය නිල නිවාසය තුළ දී රූමත් වෛද්‍යවරියට හදි කළ කාමාතුරයා, අනුරාධපුර රෝහලෙන් ඇසෙන ඇඟ සීතලවෙන කතාව මෙන්න” යනුවෙන් ෆේස්බුක් පෝස්ටුවක් හුවමාරු වෙමින් පැවැතිණි. මෙය prakashi jayasekara නම් ගිණුම හරහා සමාජගත කොට තිබුණි.

මේ පිළිබඳ Factseeker වෙත ලැබුණු ඉල්ලීමකට අනුව අපි ඒ පිළිබඳ සොයා බැලුවෙමු.

මෙම පෝස්ටුව විමර්ෂණය කිරීමේදී පැහැදිලි වූයේ එහි සිටින්නේ සමාජ මාධ්‍ය තුළ ජනාදරයට පත්ව සිටින වෛද්‍ය ප්‍රියා බවයි. මේ සම්බන්ධයෙන් ෆේස්බුක් පරිශීලකයින් අප්‍රසාදය පලකර තිබූ අතර වෛද්‍ය ප්‍රියා ට අයත් Dr.Priya නිල ෆේස්බුක් පිටුව තුළ ඇය ද මේ සම්බන්ධයෙන් සටහනක් එක්කොට තිබුණි.

https://www.facebook.com/share/p/1Hf8or2BbL/

Factseeker මෙහිදී Hiru gossip ෆේස්බුක් පිටුව තුළ මෙම පෝස්ටුව පිරික්සූ නමුත් එහි එම පෝස්ටුව සොයාගත නොහැකි විය. එසේ වුවද අදාළ පෝස්ටුව වෙනත් ගිණුමක් හරහා හුවමාරු කර ගෙන තිබූ පෝස්ටුවක් සොයා ගැනීමට හැකිවිය.

ඒ අනුව වෛද්‍ය ප්‍රියාගේ ඡායාරූපය සහිතව සමාජ මාධ්‍ය හරහා සංසරණය වන පෝස්ටුව , Hiru gossip ෆේස්බුක් පිටුවේ පළ කර තිබූ පෝස්ටුව  සංස්කරණය කර පළ කර ඇති බව Factseeker තහවුරු කරයි .