ඒ ඉකුත් අගෝස්තු 08වනදා සියළු පළාත් නියෝජනය කරමින් පැමිණි රැකියා විරහිත උපාධිධාරී පිරිසක් හමුවීමෙන් අනතුරුව මාධ්‍ය වෙත අදහස් දක්වමිනි.මෙම ප්‍රකාශය පිළිබඳව Factseeker අවධානය යොමු කළේ ය.

“ජාතික ජනබලවේගයේ ආණ්ඩුව ඉදිරියේදී, කිසිදු රැකියා විරහිත උපාධිධාරියෙකු නිර්මාණය නොවන ආකාරයට  ආර්ථික ප්‍රතිසංස්කරණ ඇති කරන්නත්, අධ්‍යාපනය ප්‍රතිසංස්කරණ ඇති කරන්නත් සූදානම්. දැනට 33,000කට ආසන්න ප්‍රමාණයක්  ගුරුවරුන්ගේ පුරප්පාඩු තිබෙනවා. ඒ පුරප්පාඩු පිරවීම සඳහා අපි කටයුතු කරනවා. ඒ වගේම දේශීය ආදායම් බදු දෙපාර්තමේන්තුවේ සහ රේගු දෙපාර්තමේන්තුවේ ඇති වී තිබෙන පුරප්පාඩු සඳහා ද බඳවාගැනීමට කටයුතු කරනවා”  යනුවෙන් අනුර කුමාර දිසානායක එහිදී ප්‍රකාශ කර තිබිණි.

ජනාධිපති අපේක්ෂක අනුර කුමාර දිසානායකගේ මෙම ප්‍රකාශ සදහන් වීඩියෝව ඔහුගේ යූටියුබ් නාලිකාවේ පළ කර තිබුණේ මෙලෙසිනි. https://youtu.be/3DYglhurYXY?feature=shared

ජාතික ජනබලවේගය විසින් “පොහොසත් රටක් ලස්සන ජීවිතයක්” යන මැයෙන් 2024 ජනාධිපතිවරණය වෙනුවෙන් නිකුත් කර ඇති ප්‍රතිපත්ති ප්‍රකාශයේ “උපාධිධාරීන්ට රැකියා” යනුවෙන් කොටසක් වෙන් කර ඇත.

එහි සඳහන් වන්නේ,

– ගුරු වෘත්තියට උපාධිධාරීන් 20,000ක්

– විද්‍යා, තාක්ෂණ, ඉංග්‍රීසි, ගණිත (STEM) උපාධිධාරීන් 3000ක් හා STEM නොවන උපාධිධාරීන් 9000ක් ඇතුලත් උපාධිධාරීන් 12,000 තොරතුරු තාක්ෂණ ක්ෂේත්‍රයට.

-දේශීය ආදායම්, රේගු, විදේශ සේවා හා සංචාරක ක්ෂේත්‍රයට රැකියා 3000ක්  වශයෙන් එම ලේඛනයේ සඳහන් කර ඇත.

අනුර කුමාර දිසානායක රැකියා විරහිත උපාධිධාරීන් 33 000 කට ගුරු පත්වීම් දෙන බව සදහන් කර තිබුණ ද ඔවුන්ගේ ප්‍රතිපත්ති ප්‍රකාශයේ සඳහන් කර ඇත්තේ, ගුරු පුරප්පාඩු 20 000 ක් පුරවන බව ය.