මවුමිතා ඩෙබ්නත් කල්කටා හි ආර්ජී කාර් (RG Kar) වෛද්‍ය විද්‍යාලයේ වෛද්‍යවරියකි. ඇය මෙම අවාසනාවන්ත සිදුවීමට මුහුණ දීමෙන් පසු අවසන් මොහොතේ තම මව වෙත යැවූ වීඩියෝවක් යැයි සැලකෙන වීඩියෝපටයක් සමාජ මාධ්‍යයේ හුවමාරු වෙමින් පවතී.එම වීඩියෝ පටය ශ්‍රී ලංකාවේ යූටියුබ්, ටික්ටොක්, ෆේස්බුක් සහ ඉන්ස්ටග්‍රෑම් සමාජමාධ්‍ය ඔස්සේ හුවමාරුවෙමින් පැවැතිණි.

ඉන්දියාවේ පැරණිතම වෛද්‍ය විද්‍යාලයක් වන කල්කටා හී ආර්ජි කාර් (RG KAR) වෛද්‍ය විද්‍යාලයේ පශ්චාත් උපාධිය හදාරමින් සිටි මවුමිතා ඩෙබ්නත් පසුගියදා සමූහ දූෂණයකට ලක් කර පසුව ඝාතනයට ලක් වුණි. ඇයගේ දේහය පසුගිය අගෝස්තු මස 9 වන සිකුරාදා එම රෝහලේ ශාලාවක තිබී පොලීසිය විසින් සොයා ගන්නා ලදී.

මෙම වෛද්‍යවරිය මෙවැනි වීඩියෝවක් තම මව සමග හුවමාරු කර ඇතිද? යන්න පිළිබදව Factseeker විමසා බැලුවෙමු. එවැනි වීඩියෝපටයක් වෛද්‍ය මවුමිතා විසින් තම මවට යැවූ බවක් ජාත්‍යන්තර මාධ්‍ය විසින් දවාර්තා කර ඇති ද? යන්න Fact Seeker සොයා බැලූ අතර එවැන්නක් ද සොයා ගත නොහැකි විය.  එම වීඩියෝවේ සිටින තරුණියගේ රූපය ද ඝාතනයට ලක්වූ වෛද්‍යවරියගේ මුහුණට සමාන නොවන බවද වීඩියෝව නිරීක්ෂණය කිරීමේ දී අපට හදුනා ගැනිමට හැකි විය.

Fact seeker මේ සම්බන්ධයෙන් සොයා බැලීමේදී කරුණු පරීක්ෂා කරන ආයතනයක් වන Factcrescendo ආයතනය කළ කරුණු පරීක්ෂා කිරීමක් හමු විය. එම ලින්ක් එක මෙතැනින් https://srilanka.factcrescendo.com/2024/08/20/unrelated-video-viral-as-dr-moumita-debnath-last-video-claim-si/ එහි වැඩිදුරටත් සදහන් කරන්නේ, මියගිය වෛද්‍ය මවුමිතාගේ අවසන් මොහොත සහ ඇය විදි වේදනාව නිරූපණය කිරීමට සිදු කරන ලද නිර්මාණාත්මක අන්තර්ගතයක් ලෙස හඳුනාගත් බවයි.

මේ අනුව වෛද්‍ය මවුමිතාගේ අවසන් මොහොත පටිගත කර තම මවට යැවු බව හැඟවෙන වීඩියෝව නොමඟයවන සුළු තොරතුරක් බව Fact Seekers තහවුරු කරයි.