දිලිත් ජයවීර සර්ව ජනබලය සන්ධානයේ අපේක්ෂකත්වයට පැමිණෙන බව පසුගියදා නිවේදනය කළේය.

සර්ව ජනබලය සන්ධානය සමග එක් වූ සියලුම දේශපාලන පක්ෂ තමා ජනාධිපති අපේක්ෂක කිරීමට ගත් තීරණය සම්බන්ධයෙන් ස්තුතිය පළ කරමින් එහි විධායක සභාවට යැවූ ලිපියක් බව හගවමින් මෙම ලිපිය සකස් කර තිබිණි.

මෙම ලිපිය සමාජ මාධ්‍ය හරහා හුවමාරු වෙමින් පවතින අතර තුර “දිලිත් ජයවීර ජනපති සටනින් ඉවතට” යනුවෙන් ‌මුහුණු පොතේ සටහනක් ද හුවමාරු වන බැවින් Factseeker මේ සම්බන්ධයෙන් සොයා බැලීය.

Factseeker ඒ පිළිබදව මව්බිම ජනතා පක්ෂයේ ජ්‍යෙෂ්ඨ නායක හේමකුමාර නානායක්කාරගෙන් විමසීමේදී හෙතෙම පැවසුවේ, මෙය අසත්‍යයක් බවය. මේ සම්බන්ධයෙන් දිලිත් ජයවීර ද ප්‍රකාශයක් නිකුත් කරනු ඇති බව ද සඳහන් කළේය.

මෙම ලිපිය තවදුරටත් නිරීක්ෂණය කිරීමේදී පොදුජන පෙරමුණේ ජනාධිපති අපේක්ෂකයෙකු වශයෙන් තමා ඉදිරිපත් නොවන බවට ධම්මික පෙරේරා යොමුකළ ලිපිය සංස්කරණය කරමින් මෙම ලිපිය සකස් කර ඇති බව ද අනාවරණය විය.

මව්බිම ජනතා පක්ෂයේ නායක දිලිත් ජයවීර සර්ව ජන බලය සන්ධානයේ ජනාධිපතිවරණ අපේක්ෂකත්වයෙන් ඉවත් වන බව සඳහන් කරමින් පැතිර යන පුවත් අසත්‍යයක් බව factseeker අවධාරණය කරයි.