සැබැවින්ම මේ ආකාරයේ විකාශනාත්මක වාරණයක් ඉරානයේ තිබේ ද? යන්න පිළිබදව බව factseeker සොයා බැලීය.

මේ අයුරින් සංසරණය වන වීඩියෝව 2013 වසරේ OnTen TV නැමැති youtube  නාලිකාව හරහා විකාශය කර ඇති අතර  එය හුදෙක් විනෝදාස්වාදය හා උපහාසාත්මක ලෙසින් ඉදිරිපත් කර ඇති බව නිරීක්ෂණය විය. මෙම වීඩියෝව එම නාලිකාවේ 51 හා 57 යන විකාශන අවස්ථාවල විකාශය කර ඇත. එය නම් කර ඇත්තේ “women and sport ” ලෙසටය. ඒ අනුව මෙය 2024 ඔලිම්පික් විකාශනයන්ට අදාළ නොවන බව fact seeker තහවුරු කරගන්නා ලදී.

ඉරාන ජාතික කාන්තාවන් සඳහා 1979 වසරේ සිට ඉරානයේදී හෝ ඉන් පිටතදී තරඟ කරන විට ඉරාන ඔලිම්පික් කමිටුව විසින් “ක්‍රීඩා තරඟ වලදී ඉස්ලාමීය නීති අනුගමනය නොකරන අයට දැඩි දඬුවම් ලබා දෙන බව ” නීතියක් පැනවුණි. නමුත් ඉරානයේ කාන්තාවන්ට මෙවැනි නීතියක් පනවා නැති බව Factseeker කළ කළ සොයා බැලීමේදී අනාවරණය විය. The Times  of Israel වෙබ් අඩවියේ අනාවරණය අනුව 1979 න් ඉරාන විප්ලවයෙන් පසු පිරිමි පාපන්දු , පිහිනුම් හා මල්ලවපොර තරඟ සඳහා ඉරාන කාන්තාවන්ට පැමිණීම තහනම් විය. අදාල වීඩියෝවට පාදක වී ඇත්තේ මෙයයි. නමුත් 2006 වසරේ අප්‍රේල්  මාසයේදී එවකට ඉරාන ජනාධිපති මහමුද් අහමදිනෙජාඩ් නැවත ඉරාන කාන්තාවන්ට ක්‍රීඩාංගනවලට ඇතුළු වීමට අවසර දෙනු ලැබූ බව එහි තවදුරටත් සඳහන් වේ.

ඒ අනුව මේ වන විට ඉරානය තුළ කාන්තාවන් සඳහා ලිහිල් ප්‍රතිපත්ති අනුගමනය කෙරෙයි. 2016 වසරේ ඉරානය වෙනුවෙන් පළමු ඔලිම්පික් රන් පදක්කම ඉරාන කාන්තාවක් විසින් දිනාගැනීම තුළින් එය තවත් පැහැදිලි වෙයි.

ඉරානයයේ රූපවාහිනී නාලිකා විකාශනයන්වල  ඇතැම් අවස්ථාවලදී එවැනි කපාහැරීම් වාරණයන් කර ඇත. 2021 වසරේ ඉරාන රජයේ රූපවාහිනී නාලිකාව විසින් එංගලන්තයේ පැවති පාපන්දු ප්‍රිමියර් ලීග් තරඟාවලියක් මෙලෙස වාරණය කරනු ලැබුවේ සහය විනිසුරුවරියක් පාද පෙනෙන ලෙස ක්‍රීඩා ඇඳුම් ඇඳසිටි බැවිනි. එය ආයතනය සතු තීරණයකි. එය The Times of Israel වෙබ් අඩවියේ 04.15 වන දින ඇතුලත් කර ඇත. එසේ නොමැතිව රජය විසින් එවැනි නීතියක් පනවා නැති බව The Times of Israel තවදුරටත් දක්වා ඇත. එම ලිපිය මේ සමඟ ඉදිරිපත් වේ.http://( https://www.timesofisrael.com/irans-state-tv-censors-uk-soccer-match-to-avoid-showing-legs-of-female-referee/)  එසේම අල් ජසීරා, අල් අරාබියා , BBC ආදී විකාශනයන් තුල ඔලිම්පික් විකාශනයන් කෙරෙන අතර ඒවායේ එවැනි වාරණය කිරීම් ඇතුලත් නොවේ.

ඒ අනුව මෙය හුදෙක් උපහාසාත්මක ප්‍රහාරයක් එල්ල කිරීම සඳහා සකසනු ලැබූ වීඩියෝවක් පමණක් බව fact seeker තහවුරු කර ගනු ලැබීය. මේ සම්බන්ධව විවිධ රටවල කරුණු පරික්ෂා කිරීම් සිදුව ඇති අතර ඒවා ද පහතින් අන්තර්ගත වේ.

පහත link හරහා මේ සම්බන්ධව කරුණු සනාත කරගත හැකිිය.

https://iranwire.com/en/features/68274/

https://factcheck.afp.com/censorship-womens-sports-iranian-tv-likely-satirical-video