පොසොන් පොහොය දිනයේදී මෙය සිදුවු බව ද එම විඩියෝව සමග සඳහන් කර තිබේ. මෙය සත්‍ය සිදුවීමක් ලෙස විශ්වාස කරමින් බොහෝ දෙනා හුවමාරු කර ගන්නා බැවින් මේ පිළිබඳව factseeker සොයාබැලීය.

පොසොන් පොහොය දින හෝ ඒ ආසන්න කාලයේදී රුවන්වැලි සෑය ළගදී භාවනානුයෝගී ස්වාමීන්වහන්සේ නමක් සෘද්ධි බලයෙන් අහසේ පලක් බැද වැඩ සිටින සිදුවීමක් සිදු වූවා ද? යන්න සම්බන්ධයෙන් රුවන්වැලි සෑය ඇතුළු අටමස්ථානාධිපති හිමියන්ගෙන් සහ රුවන්වැලි සෑය භාරව සිටින පොලිස් කාර්ය මණ්ඩලයෙන් විමසීමක් කළ අතර එවැනි සිදුවීමක් වාර්තා නොවු බව එම පාර්ශව සඳහන් කළහ.

මෙවැනි සිදුවීමක් සම්බන්ධයෙන් ප්‍රධාන මාධ්‍ය වාර්තා කර ඇද්දැයි සොයාබැලීමේදී ප්‍රධාන මාධ්‍ය ද එවැන්නක් වාර්තා කර නොමැති බව අනාවරණය විය.

‌මෙම විඩියෝව සම්බන්ධයෙන් වැඩිදුරටත් සොයාබැලීමේ දී අනාවරණය වුයේ මෙය නිර්මාණය කරන ලද්දක් බවයි. මෙය නිරමාණය කර ඇත්තේ, චන්දි රණවීර නැමති අයෙක් විසින් වන අතර මේ සම්බන්ධයෙන් ඔහු පැවසුවේ මෙවැනි අදහසකි. .

“මේක 3D + VFX වලින් කරපු creation එකක්. AI එකක් නෙවෙයි. මමත් බෞද්ධයෙක්, මට ආපු අදහසක් අනුව නිර්මාණය කරපු එකක්. කිසිම කෙනෙක් මේක බලලා හිත රිද්දගන්න එපා. This is just a creation. Don’t take it serious.”

නමුත් සමාජ මාධ්‍ය තුළ මෙය දැක තිබු පුද්ගලයින් මෙය සත්‍ය සිදුවීමක් බවට නොමග ගොස් තිබුණි. ඒ අනුව රුවන්වැලි සෑය අසල භාවනානුයෝගී ස්වාමීන්වහන්සේ නමක් සෘද්ධි බලයෙන් අහසේ පලක් බැද සිටින අයුරු ලෙස සඳහන් වෙමින් හුවමාරු වන විඩියෝව නිර්මාණයක් බව factseeker සඳහන් කරයි