“නිදහසේ වියදම කෝටි 37 යි” යනුවෙන් සඳහන් කරමින් පුවත්පතක පළ වූ මේ ප්‍රවෘත්තිය සත්‍ය ද? යන්න පිළිබදව factseeker සොයාබැලීය.

මෙහිදී සඳහන් වන්නේ හසිත විජේවර්ධන නම් ‘දෙරණ’ මාධ්‍ය ආයතනයේ මාධ්‍යවේදියා පළකර ඇති බවට සඳහන් පොස්ටුවක් බැවින් factseeker විසින් එම මාධ්‍යවේදියාගේ සමාජ මාධ්‍ය ගිණුම් නිරීක්ෂණය කළ අතර මේ දිනවල එවැනි පොස්ටුවක් පළකර ඇති බවට නිරීක්ෂණය නොවුනි.

හුවමාරු වන පුවත්පත ‘අරුණ’ පුවත්පතට සමානතාවක් දක්වන බැවින් එහි මෙවැන්නක් පළවී ඇති ද? යන්න පිළිබද ව සොයා බැලු අතර මෑත දිනයකදී එවැන්නක් පළවී නොමැති බව තහවුරු විය.

මෙවර නිදහස් දින සැමරුම් උළෙලේ වියදම් ප්‍රකාශයට පත්කර ඇති ද යන්න සම්බන්ධයෙන් ස්වදේශ කටයුතු අමාත්‍යාංශයෙන් විමසීමේදී ඔවුන් සඳහන් කළේ, නිල වශයෙන් මෙතෙක් වියදම් ප්‍රකාශයට පත්කර නොමැති බවය.

මේ සම්බන්ධයෙන් හසිත විජේවර්ධන මාධ්‍යවේදියාගෙන් කළ විමසීමේදී ඔහු පැවසුයේ අදාළ පොස්ටුව තමා 2023 වසරේ පළකරන ලද්දක් බව ය.

කෙසේ වෙතත් එම පොස්ටුව මෙවර නිදහස් දිනය පදනම් කරගමින් හුවමාරු වන පෝස්ටුවක් නොවන බව factseeker තහවුරු කරයි++