වීඩියෝවේ හස්තියාගේ පිටුපසින් යම් පුද්ගලයෙකු වීඩියෝගත කරමින් පැමිණෙන බව පෙනේ. එමෙන්ම හස්තියා පඩිපෙළ දිගේ ගමන් කරන අකාරය ද අස්වාභාවික බවක් පෙනෙන්නට නොතිබුණී.

මෙම වීඩියෝව බොහෝ දෙනෙක් අතර සංසරණය වී තිබූ අතර සමාජ මාධ්‍ය පරිශීලකයින් විසින් මේ පිළිබදවද පරස්පර අදහස් දැක්වීම් කර තිබුණි. ඒ අතර ඇතැම් පරිශීලකයින් මෙම සිදුවීම ව්‍යාජ ලෙස නිර්මාණය කරන ලද්දක් බව දක්වා තිබුණ අතර ඇතැම්හු එය සත්‍ය ලෙස සලකා අදහස් දක්වා තිබුණි.

ඒ අනුව මෙම අදහස් දැක්වීම් වල ඇති පරස්පරතා හා මෙම වීඩියෝවේ අස්වාභාවික ලක්ෂණ හේතුවෙන් මේ  පිළිබදව FactSeeker විමර්ෂණය කළේය.

ඒ අනුව අදාළ වීඩියෝව AI තාක්ෂණය හඳුනා ගන්නා වෙබ් අඩවි මෙවලම් යොදාගනිමින් විශ්ලේෂණය කර බැලීමේදී අදාළ වීඩියෝව AI තාක්ෂණය යොදාගනිමින් නිර්මාණය කරන ලද්දක් බව අනාවරණය විය.

මෙම කරුණු අනුව අවාරයේ සිරිපා වන්දනාවේ යෙදුනු හස්තියෙකුගේ යැයි දක්වමින් සමාජ මාධ්‍ය ඔස්සේ සංසරණය වී තිබූ වීඩියෝව AI තාක්ෂණය යොදාගනිමින් නිර්මාණය කරන ලද්දක් බව FactSeeker තහවුරු කරගන්නා ලදී.