අග්‍රාමාත්‍ය හරිනි අමරසූරියගේ යැයි සඳහන් කරමින් සමාජ මාධ්‍ය ඔස්සේ සංසරණය වන වීඩියෝවක් Factseeker ට නිරීක්ෂණය විය.
https://www.facebook.com/reel/1459880215384981
කාන්තාවක් තැඹිලි හෝ කුරුම්බා වැනි යමක් ආහාරයට ගනිමින් සිටින ආකාරය එහි දැක්වේ. මෙම වීඩියෝව”අගමැතිටත් අමාරු කාලයක් මේක” යනුවෙන් සඳහන් කරමින් එහි සිටින්නේ අගමැතිවරිය යැයි අඟවමින් හුවමාරු කර ගෙන ඇති බව දක්නට ලැබිණි.

මෙම වීඩියෝවේ අදහස් දැක්වීම් තීරුව නිරීක්ෂණය කිරීමේදී ඇතැමුන් මෙය අගමැතිවරියගේ වීඩියෝවක් නොවන බවත් ඇතැමුන් එය සත්‍ය වීඩියෝවක් බවත් දක්වා තිබුණි.
මේ නිසා මෙහි සත්‍ය අසත්‍යතාව පිළිබඳව Factseeker සොයා බැලීය.

ඒ අනුව මෙහි සත්‍ය වීඩියෝව සොයා ගැනීමට හැකිවිය.
මෙය Manoja Autoplus නැමැති ෆේස්බුක් ගිණුමක් හරහා පළකර ඇති බව අනාවරණය විය. එමෙන්ම තවදුරටත් නිරීක්ෂණය කිරීමේදී එම වීඩියෝවේ සිටින්නේ ගිණුමේ හිමිකාරියම බව ද සනාථ විය. ඇය මනෝජා සේනානායක නැමැති අයෙකි.
මෙම වීඩියෝව 2025.04.21 වන දින Manoja Autoplus නැමැති ෆේස්බුක් ගිණුමෙ හරහා මුදාහැර තිබිණ.

https://www.facebook.com/manoja.autoplus/videos/1199143527850862

මේ අනුව මෙම වීඩියෝවේ සිටින්නේ අග්‍රාමාත්‍ය හරිනි අමරසූරිය නොවන බව Factseeker තහවුරු කරගන්නා ලදී.