“තෙල් මිල වැඩිකිරීම වහා හකුලා ගන්න නැත්තං ගෙදර යන්න” යනුවෙන් මෙම පෝස්ටුව පළවී තිබුණි. අදාළ වීඩියෝවේ ආණ්ඩුව තෙල් මිල වැඩිකිරීමේ තීරණය සම්බන්ධයෙන් ද ටිල්වින් සිල්වා විවේචනය කරයි.

මෙම පෝස්ටුවට අදහස් දක්වා තිබූ සමාජ මාධ්‍ය පරිශීලකයින් ද එය වත්මන් ආණ්ඩුවේ තෙල් මිල ඉහළ දැමීම සම්බන්ධයෙන් ටිල්වින් සිල්වා කළ අදහස් දැක්වීමක් ලෙස පිළිගෙන අදහස් දක්වා තිබුණි.

ඒ අනුව මෙම වීඩියෝව ටිල්වින් සිල්වා වත්මන් ආණ්ඩුවේ ඉන්ධන මිල ඉහළ දැමීමේ තීරණයට කළ විවේචනයක් ද යන්න සොයා බැලීය.

මේ පිළිබඳ විමර්ශනය කර බැලීමේදී මෙම වීඩියෝව ඉන්ධන මිල ඉහළ දැමීම ඇතුළු තවත් ඉල්ලීම් කිහිපයක් මුල් කරගනිමින් ජනතා විමුක්ති පෙරමුණ 2018.07.12 වන දින මහරගම නගරයේ පැවැත්වූ උද්ඝෝෂණයකදී ටිල්වින් සිල්වා කළ ප්‍රකාශයක් බව පැහැදිලි විය.

එය 2018.07.13 වන දින “Ada Derana” යූටියුබ් නාලිකාව හරහා විකාශය කර තිබුණි. එහි සබැඳිය මෙතැනින්.

ඒ අනුව, වත්මන් ආණ්ඩුවේ ඉන්ධන මිල ඉහළ දැමීමේ මිල දර්ශනය සමග පළ කර ඇති ටිල්වින් සිල්වාගේ වීඩියෝව 2018 වසරේ වීඩියෝවක් බව FactSeeker තහවුරු කරයි .