“ළමා විවාහ සඳහා අවසර දුන් මුස්ලිම් විවාහ සහ දික්කසාද පනත සංශෝධනය කිරීමට රජය උපදෙස් දෙයි – අමාත්‍ය සරෝජා එක්සත් ජාතීන්ගේ සංවිධානයට සහතික කරයි.” යනුවෙන් ඩේලි සිලෝන් වෙබ් අඩවියේ පළ වූ ප්‍රවෘත්තියක සිරස්තලයක් හේතුවෙන් ඉකුත්  17 දා පාර්ලිමේන්තුවේදී මෙම විරෝධය ඇති විය.

ළමා හා කාන්තා කටයුතු අමාත්‍ය සරෝජා පෝල්රාජ් එක්සත් ජාතීන්ගේ සංවිධානයේදී විවාහ හා දික්කසාද පනත පිළිබඳව ළමා විවාහ ස්ථාපිත කිරීම වශයෙන් විශේෂත්වයක් දක්වා ඇතැයි මෙම ප්‍රවෘත්තිය මගින් පැහැදිළි වන බව මන්ත්‍රීවරයා සඳහන් කළේ ය.

පාර්ලිමේන්තු ප්‍රකාශය මෙතැනින් –  https://www.youtube.com/live/LN2VFYmR96g?t=18772s

එමෙන්ම උතුමා ලෙබ්බේ මන්ත්‍රීවරයාගේ ප්‍රකාශයට පිළිතුරු දුන් සරෝජා පෝල්රාජ් අමාත්‍යවරිය සඳහන් කළේ, එක්සත් ජාතීන්ගේ සංවිධානයේදී තමා එවැනි ප්‍රකාශයක් කළ බවට සඳහන් පුවත් තරයේ ප්‍රතික්ෂේප කරන බවයි. ඩේලි සිලෝන් වෙබ් අඩවිය මඟින් අසත්‍ය තොරතුරු පතුරුවා හරින බවට ද ඇය චෝදනා කළේය.  නොමඟ යවන සුළු අන්තර්ගතයන් ප්‍රකාශයට පත් කිරීම සම්බන්ධයෙන් එම වෙබ් අඩවියට එරෙහිව නීතිමය පියවර ගන්නා ලෙස ද ඇය ඉල්ලා සිටියාය.

මේ සම්බන්ධයෙන් ඩේලි සිලෝන් වෙබ් අඩවිය ද පැහැදිළි කිරීමක් කර ඇත.

එය මෙතැනින් – https://www.facebook.com/watch/?v=1037551734882964&rdid=G223JnwGUxmTi8sA

මෙය පාර්ලිමේන්තුවේදී මතභේදයකට තුඩු දීම නිසා FactSeeker ඒ පිළිබඳව විමර්ශනය කළේ ය. මෙම ලිපිය එක්සත් ජාතීන්ගේ වාර්තාවක් මත පදනම් වූ බව ද ඩේලි සිලෝන් වෙබ් අඩවිය  සඳහන් කර ඇත.

FactSeeker  අදාළ වාර්තාව නිරීක්ෂණය කළ අතර එහි අන්තර්ගතය තුළ එවැනි කිසිදු සඳහනක් නොවීය.

මුස්ලිම් විවාහ හා දික්කසාද පනතෙන් ළමා විවාහවලට අවසර දී ඇති බව අමාත්‍ය පෝල්රාජ් කිසිදු සඳහනක් කර නැති බව පැහැදිලිය. ඩේලි සිලෝන් වෙබ් අඩවියෙහි මෙම සිරස්තලය නොමඟ යවන සුළු බව FactSeeker ට නිරීක්ෂණය විය.

ඒ වෙනුවට කාන්තා හා ළමා අයිතිවාසිකම් සංස්කෘතික අයිතීන් සමඟ සමතුලිත කිරීම සඳහා පනතේ ඇති විය හැකි සංශෝධන පිළිබඳව රජය උපදෙස් ලබාගෙන ඇති බවත්, අවම විවාහ වයස් සීමාවක් නියම කිරීම සහ බහු ආංශික කමිටුවක් පිහිටුවීම ඇතුළු කරුණු පිළිබඳ අමාත්‍යවරිය එහිදී අවධාරණය කර ඇත.

අමාත්‍ය බිමල් රත්නායක සහ මුනීර් මුලාබර් නියෝජ්‍ය අමාත්‍යවරයා  ද ඉකුත් 18 වැනි දින පාර්ලිමේන්තු සැසියේදී මේ සම්බන්ධයෙන් අදහස් පළ කළහ. ඔවුන් ද ප්‍රකාශ කළේ සරෝජා පෝල්රාජ් අමාත්‍යවරිය එවැනි කිසිදු ප්‍රකාශයක් කර නැති බවයි.

ඩේලි සිලෝන් වෙබ් අඩවියේ පළ වූ ලිපියේ අන්තර්ගතය නිවැරදි වු නමුත්,  සිරස්තලය නොමඟ යවන සුළු බව Factseeker සඳහන් කරයි.