කෙසේ නමුත් මේ දිනවල යාල වනෝද්‍යානයේ කොටි පැටවෙකු හොඬවැලෙන් ඔසවාගෙන යන අලියෙකුගේ දර්ශනයක් සහිත වීඩියෝවක් සමාජ මාධ්‍යයේ පුළුල් ලෙස සංසරණය වෙමින් පවතින ආකාරය FactSeeker නිරීක්ෂණය කළේ ය. එම වීඩියෝව මෙතැනින්:

https://www.facebook.com/watch/?v=9339567692804883&rdid=rhaA9yCjXMCDeXsS
https://www.facebook.com/share/v/1DWxP935kW/?mibextid=wwXIfr

මෙම වීඩියෝව බැලූ බැල්මටම සත්‍ය සිදුවීමකට අදාල දර්ශනයන් නොවන බව පැහැදිලි වේ. එනම් අලියාගේ සහ කොටි පැටවාගේ චලනයන් ඉතාම සුමට වීම සහ වීඩියෝවේ රූපරාමුවල ගුණාත්මකබාවය අවම වීම මෙහිදී නිරීක්ෂණය කළ හැකිය. මීට අමතරව අලියා කොටි පැටවා බිම තබන අවස්ථාවේ කොටි පැටවාගේ වලිගය එක වර පෙනී නොපෙනී යාම, කොටි පැටවා ගමන් කරන විට පාද හතරකට වඩා ප්‍රමාණයක් නිරූපණය වීම මෙන්ම ඇතැම් අවස්ථාවල කොටි පැටවාගේ මුහුණේ හැඩය විකෘති වී පෙනීම FactSeeker නිරීක්ෂණය කරන ලදී.

එසේම Deepware වෙබ් අඩවිය ඔස්සේ මෙම වීඩියෝව කෘත්‍රීම බුද්ධිය යොදාගෙන සිදු කරන ලද නිර්මාණයක් දැයි නිරීක්ෂණය කරන ලද අතර එහි දී ලැබූ ප්‍රතිඵලවලට අනුව මෙම වීඩියොව බොහෝ දුරට කෘත්‍රීම බුද්ධිය ඔස්සේ නිර්මාණය වූවක් බව පැහැදිලි කරයි.

මේ අනුව යාල වනෝද්‍යානයේ දී අලියෙකු විසින් කොටි පැටවෙකු ඔසවාගෙන යන දර්ශනය කෘත්‍රීම බුද්ධිය යොදාගනිමින් නිර්මාණය කරන ලද්දක් බවට FactSeeker තහවුරු කරයි.