ඩොනල්ඩ් ට්‍රම්ප් සහ ජිල් බයිඩන් අතර ගැටුමක් ඇති වුණේ නෑ.
ජාත්‍යන්තර සමාජ මාධ්‍ය කළඹමින් ඩොනල්ඩ් ට්‍රම්ප් සහ ජිල් බයිඩන් අතර ගැටුමක් ඇතිවන ආකාරයේ වීඩියෝවක් මේ දිනවල X සමාජ මාධ්‍ය ඔස්සේ සංසරණය වෙමින් පවතී
by Anonymous |
දෙසැම්බර් 16, 2024
එම වීඩියෝව මෙතැනින්:
https://x.com/BehizyTweets/status/1865563137443004836
පැරිසීයේ ගොතික් නිර්මාණයන්හි ශ්‍රේෂ්ඨතම ඉදිකිරීම ලෙස හැඳින්වෙන නෝට්‍රෙ ඩේම් (Notre-Dame) දේවස්ථානය පිළිසකර කර නැවත විවෘත කිරීමේ උත්සවය පසුගිය දෙසැම්බර් 07වනදා පැවැත්විණි. මෙය වසර පහකට පෙර පිපිරීමකින් විනාශයට පත් වු ප්‍රසිද්ධ දෙව්මැදුරකි. දෙව්මැදුර යථා තත්වයට පත්කොට ලෝක නායකයින්ගේ සහභාගීත්වයෙන් දේව මෙහෙය පැවැත්වූ අතර ඒ සඳහා ඩොනල්ඩ් ට්‍රම්ප් සහ ජිල් බයිඩන් සහභාගී වී තිබිණි.
බයිඩන් සහ ට්‍රම්ප් හමුවීම පිළිබඳ ව සමාජ මාධ්‍ය තුළ විශාල කතාබහක් ඇති කරමින් බයිඩන් පවුල විසින් ට්‍රම්ප්ට සහය දීම ආදි විවිධ අදහස් සමාජ මාධ්‍ය ඔස්සේ සංසරණය විය. ඒ අතර, ප්‍රංශයේ Getty Image කාර්ය මණ්ඩලයේ ඡායාරූප ශිල්පියකු වන Pascal Le Segretain විසින් මෙම අවස්ථාවේදී ලබා ගත් ට්‍රම්ප් සහ බයිඩන්ගේ ඡායාරූපයක් සීග්‍රයෙන් හුවමාරු (Viral) වූ අතර එම ඡායාරූප පාදක කරගනිමින් නිර්මාණය කළ විවිධ පෝස්ටු (Meme) සමාජ මාධ්‍ය ඔස්සේ සංසරණය විය.
ට්‍රම්ප් විසින් මෙම ඡායාරූපය”Enemies can’t resist” යන ශීර්ෂයෙන් යුතුව ඔහුගේ truth social නිල සමාජ මාධ්‍ය ගිණුමේ පළ කර තිබුණි.
එය ට්‍රම්ප් විසින් ඔහුගේ ආයතනයකින් නිකුත් කරන නවතම සුවඳ විලවුන් වර්ගයක් ප්‍රචලිත කිරීම සඳහා යොදාගත් දැන්වීම් උපක්‍රමයක් බව ජාත්‍යන්තර මාධ්‍යවල සඳහන් වේ.
ඒ පිළිබඳව විදෙස් මාධ්‍ය වෙබ් අඩවි වාර්තා කර තිබුණේ මෙලෙසින්:
ජිල් බයිඩන් සහ ඩොනල්ඩ් ට්‍රම්ප් අතර ගැටුමක් ඇති වන බව දක්වමින් සකස් කළ ව්‍යාජ වීඩියෝවක් X සමාජ මාධ්‍ය හරහා සංසරණය වෙමින් තිබුණේ මේ අතරතුරය.
මෙම විඩියෝව “Grok” නැමැති කෘත්‍රීම බුද්ධි මෙවලම් භාවිත කරමින් ඡායාරූපය වීඩියෝවක් බවට පරිවර්තනය කර ඇති බව පැහැදිලි විය. ඡායාරූපයක් වීඩියෝ දර්ශනයක් දක්වා වැඩි දියුණු කිරීමට හැකි කෘත්‍රීම බුද්ධි (AI) පහසුකමක් X සමාජ මාධ්‍ය හරහාම ලබා දී තිබෙන අතර එය “Grok” ලෙස හඳුන්වයි.
මෙම වීඩියෝව සත්‍ය වීඩියෝවක් නොවන බව තහවුරු කරන තවත් සක්ෂියක් ලෙස ජිල් බයිඩන්ගේ මුහුණ සහ කොණ්ඩයේ අසාමාන්‍ය චලනය වීම් පෙන්වා දිය හැකි ය.
ඒ අනුව, මෙම ඡායාරූපය Grok හි උඩුගත කොට අවශ්‍ය විධාන ලබාදීමෙන් නිර්මාණය කර ඇති ව්‍යාජ වීඩියෝවක් බව FactSeeker අනාවරණය කරයි.
