Emirates விமான சேவைக்கு சொந்தமான விமானம் தீப்பிடித்ததாக கூறப்படும் காணொளி ஒன்று X தளத்தில் பகிரப்படுவதை FactSeeker இனால் அவதானிக்க முடிந்தது. இக் காணொளி பலராலும் அதிகம் பகிரப்படுவதால் FactSeeker இது குறித்து ஆராய்ந்து.

சமீப காலங்களில் Emirates விமான சேவைக்கு சொந்தமான விமானம் தீப்பற்றி விபத்துக்குளாகியதா என ஆராய்ந்ததில் இது குறித்து நம்பகத்தன்மையான செய்திகள் எதுவும் வெளியாகவில்லை என்பதை அறிய முடிந்தது.

மேலும், இக்காணொளியை  உன்னிப்பாக ஆராய்ந்ததில், சில சிக்கலான அம்சங்களை காணக்கூடியதாக இருந்தது. உதாரணமாக இக்காணொளியில் பதிவாகியுள்ள வாகனங்கள் சில வீதியில் செல்லும் போது திடீரென மறைவது (Invisible) போன்ற காட்சிகளை அவதானிக்க முடிகின்றது. இது உண்மைக்கு புறம்பானதாக கருதப்படுவதால் இக்காணொளியின் நம்பகத்தன்மையில் சந்தேகம் எழுந்துள்ளது.

சமீப நாட்களாக இது போன்ற காணொளிகள் x தளங்களில் அதிகம் பகிரப்படுகிறன. இவை Gemini, X-Grok, ChatGPT போன்ற AI தொழிநுட்பங்களாளும் Microsoft Flight Simulator 2020 மென்பொருள்களாலும் உருவாக்கப்படுகிறன.

ஆகவே, Emirates விமான சேவைக்கு சொந்தமான விமானம் தீப்பிடித்ததாக பகிரப்படுகின்ற காணொளி உண்மையானதல்ல என்பதையும் இது Animation மற்றும் AI ஆகிய தொழிநுட்பங்களால் உருவாக்கப்பட்டிருக்கலாம் என்பதையும் FactSeeker உறுதிப்படுத்துகிறது.