ஈரானின் மூன்று முக்கிய அணுசக்தி தளங்கள் மீது வான்வழித் தாக்குதல்களை நடத்திய அமெரிக்காவின் B-2 ஸ்டெல்த் குண்டுவீச்சு விமானங்களில் ஒன்றை ஈரான் சுட்டு வீழ்த்தியதாக தெரிவிக்கும் புகைப்படமொன்று தற்போது சமூக வலைதளங்களில் வைரலாக பகிரப்படுவதுடன் இது குறித்து சர்வதேச மட்டத்தில் பலர் தமது கருத்துக்களயும் தெரிவித்து வருகின்றனர்.

இந்த புகைப்படத்துடனான செய்தியின் உண்மைத்தன்மையை கண்டறியும் விதமாக factseeker இதனை ஆராய்ந்ததில் இந்த புகைப்படம் உண்மைக்கு புறம்பான பல விடயங்களை கொண்டுள்ளதை அவதானிக்க முடிந்தது. குறிப்பாக சுட்டு வீழ்த்தியதாக பகிரப்படும் விமானமும் – அமெரிக்காவின் B-2 ஸ்டெல்த் குண்டுவீச்சு விமானமும் பார்ப்பதற்கு ஒரே மாதிரியாக இருந்த போதிலும் சில விடயங்கள் மாறுபட்டதாக காணப்படுகின்றன.

அதனை காட்டும் படம் இங்கே :

அதேபோல் மற்றைய படத்தில் விமானமானது விமானிகளை விட சிறிதாக இருப்பதையும் அவதானிக்க முடிந்தது, ஆகவே இவை AI மூலம் உருவாக்கப்பட்ட புகைப்படங்கள் என்பதை உறுதிப்படுத்த முடிந்தது.

இப்புகைப்படம் செயற்கை நுண்ணறிவை பயன்படுத்தி உருவாக்கப்பட்டவையா என Google AI Detector கருவியின் மூலம் ஆராய்ந்ததில், இவை 70 வீதம் AI மூலமாக உருவாக்கப்பட்ட புகைப்படம் என்பதையும் உறுதிப்படுத்த முடிந்தது.

அதே நேரம், ஈரானின் மூன்று முக்கிய அணுசக்தி தளங்கள் மீது வான்வழித் தாக்குதல்களை நடத்திய அமெரிக்காவின் B-2 ஸ்டெல்த் குண்டுவீச்சு விமானங்கள் தாக்குதலின் பின்னர் மிசோரியில் உள்ள வைட்மேன் விமானப்படை தளத்திற்கு பாதுகாப்பாகத் திரும்புவதைக் காட்டும் வீடியோவை அமெரிக்கா பகிர்ந்து கொண்டுள்ளது.

link : https://www.newsx.com/world/welcome-home-boys-b-2-bombers-return-home-after-iran-strikes-us-hails-greatest-force-for-freedom-8039/

https://truthsocial.com/@realDonaldTrump/114735730944623949

மேலும், ஈரானும் இந்த விமானத்தை சுட்டு வீழ்த்தியதாக எந்தவொரு உத்தியோகபூர்வ அறிவிப்பையும் விடுக்கவில்லை.

ஆகவே ஈரானில் ஒரு அமெரிக்க B-2 குண்டுவீச்சு விமானம் சுட்டு வீழ்த்தப்பட்டதைக் காட்டுவதாகக் கூறும் இந்தப் படம், AI மூலமாக உருவாக்கப்பட்ட போலியான புகைப்படம் என்பதை factseeker உறுதிப்படுத்துகின்றது.