Dilmah සමාගම වසන්ත සමරසිංහට වාර්ෂික අනුග්රාහක මුදලක් ලබා දුන්නා ද?
ජාතික ජන බලවේගයේ ජාතික විධායක සභික වසන්ත සමරසිංහගේ නමට Dilmah සමාගම විසින් වාර්ෂිකව අනුග්රාහකත්ව මුදලක් ලබා දීමක් පිළිබඳ දැක්වෙන ලිපියක් සමාජ මාධ්ය හරහා හුවමාරු වෙයි.
by Anonymous |
සැප්තැම්බර් 16, 2024
Dilmah සමාගමේ හිමිකරු වන මෙරිල් ජේ. ප්රනාන්දුගේ අත්සනින් යුතුව 2021 මැයි 14 දිනැති ලිපියක් මෙලෙස සමාජ මාධ්ය තුළ හුවමාරු වන බව Factseeker නිරීක්ෂණය කළේ ය.
වසන්ත සමරසිංහගේ ඉල්ලීම පරිදි ඩෙල්මා සමාගම ‘වාර්ෂික අනුග්රාහකත්ව මුදල’ ලෙස රුපියල් ලක්ෂ 15ක මුදල ගෙවා අවසන් වුව ද ජාතික වෘත්තීය සමිති මධ්යස්ථානයේ අයෙක් Dilmah සමාගමට මුදල් ඉල්ලා තර්ජනය කරන බව එම ලිපියෙහි සඳහන් වෙයි.
සමාජ මාධ්ය හරහා මෙම ලිපිය වේගයෙන් සංසරණය වීම නිසා Factseeker ඒ පිළිබඳ සොයා බැලීය.
මෙම ලිපිය හෝ එහි අන්තර්ගත තොරතුරු පිළිබඳව ප්රධාන මාධ්යයේ වාර්තා කර ඇත් දැයි නීරීක්ෂණය කළ ද එවැනි මුදල් ලබාදීමක් පිළිබඳව ප්රධාන මාධ්ය වාර්තා කර නොතිබුණි.
මේ සම්බන්ධයෙන් වසන්ත සමරසිංහගෙන් විමසීමේදී ඔහු පැවසුවේ, මෙය සම්පුර්ණයෙන්ම අසත්ය බවත් ජාතික ජන බලවේගය අපහසුතාවයට පත්කිරීමේ අරමුණෙන් මෙය කර ඇති බවත්ය.
Dilmah සමාගමේ ලේකම්වරිය වන ජයංගා වෑගොඩපොලගේ අත්සනින් යුතුව නිවේදනයක් නිකුත් කර ඇති අතර මෙය සම්පූර්ණයෙන් අසත්ය බව ප්රකාශ කර ඇත. 2021 මැයි 14 දිනැතිව තම ආයතනයේ නමින් සංසරණය වන ලිපිය වංචනික ලිපියක් බව එම නිවේදනය මගින් අවධාරණය කර ඇත.
ඒ අනුව ‘වාර්ෂික අනුග්රාහකත්ව මුදල සම්බන්ධවයි” යනුවෙන් හුවමාරු වන ලිපිය ව්යාජ ලිපියක් බව factseekr තහවුරු කරයි.
