හෝර්ටන් තැන්නේ නෙලූ ශාක විනාශ කර නෑ.
'නෙලූ මල්' හෙවත් 'මොනොකොපික්' (Monocarpic) මල් වර්ගය ශ්රී ලාංකිකයන් අතර මේ දිනවල ප්රසිද්ධි මාතෘකාවක් බවට පත් ව ඇත.
by Anonymous |
ඔක්තෝබර් 9, 2025
‘නෙලූ මල්’ හෙවත් ‘මොනොකොපික්’ (Monocarpic) මල් වර්ගය ශ්රී ලාංකිකයන් අතර මේ දිනවල ප්රසිද්ධි මාතෘකාවක් බවට පත් ව ඇත.
ඒ හෝර්ටන් තැන්නට පමණක් සුවිශේෂී වූ අධි සංවේදී පරිසර පද්ධතිය තුළ ‘ වසර 12කට වරක් ‘නෙලූ මල්’ පිපීම දැකගැනීමේ අවස්ථාව උදා වීමත් සමඟ ය.
සමාජ මාධ්ය තුළ මේ වන විට විශාල කතා බහක් ඇති කර තිබෙන හෝර්ටන් තැන්නේ ‘නෙලූ මල්’ නැරඹීමට එන දේශීය සංචාරකයින් එම ශාක විනාශ කර දමන ආකාරය දක්වෙන රූප රාමු කිහිපයක් FactSeeker අපට නිරික්ෂණය විය.
මෙම ඡායාරූපය ෆේස්බුක් සමාජ මාධ්ය ඔස්සේ දෙදහකට අධික පිරිසක් වෙත හුවමා රු කරගෙන තිබූ අතර අදහස් දැක්වීම් තීරුවල (comment section) මේ සම්බන්ධව බොහෝ විවේචනයන් නිරීක්ෂණය කිරීමට අපට හැකි විය.
නමුත් මෙම ඡායාරූපය වඩාත් හොදින් අධ්යනය කිරීමේදී, රූපයේ ගුණාත්මක බව අඩු මට්ටමක තිබීම, හෝර්ටන් වැනි අධික ශීතල ප්රදේශයක සාමාන්ය ඇදුම් ඇඳ සිටීම වැනි කරුණු මත එය සත්ය ඡායාරූපයක් ද යන්න සැකයක් මතු විය.
ඒ අනුව, AI නිර්මාණ ද? යන්න තහවුරු කර ගැනීම සඳහා උපයෝගී කර ගන්නා වෙබ් අඩවි තුනම ඔස්සේ මෙම ඡායාරූපය නිරීක්ෂණය කළ විට 99% ක් ම මෙය AI තාක්ෂණය යොදාගෙන නිර්මාණය කරන ලද බවට කරුණු අනාවරණය විය.
තහවුරු කරගත් මෙම කරුණු අනුව, පුද්ගලයින් විසින් හෝර්ටන් තැන්නේ නෙලු මල් ශාක විනාශ කරන ආකාරය දක්වෙන ඡායාරූපය AI තාක්ෂණය ඔස්සේ නිර්මාණය කරන ලද ඡායාරූපයක් බව FactSeeker තහවුරු කරයි.
