හුවමාරු වන වීඩියෝව මෙතැනින්

https://www.facebook.com/reel/1034504561689726?mibextid=a5VnDUpeP1iQ3q3p

ඒ අනුව මෙහි සත්‍ය අසත්‍යතාවය පිළිබඳ Factseeker සොයා බැලීය. එහිදී අපි ලංකා විදුලි බල මණ්ඩලයේ තංගල්ල සහ වීරකැටිය ප්‍රදේශිය කාර්යාලවලින්මේ සම්බන්ධව විමසීමක් කළෙමු.

එහිදී ඔවුන් පැවසුවේ, විදුලි ඉංජිනේරු දෙපාර්තමේන්තුවෙන් ලැබුණු දැනුම් දීමකට අනුව පාර්ලිමේන්තු වරප්‍රසාද යටතේ හිටපු ජනාධිපති මහින්ද රාජපක්ෂට හා හිටපු පාර්ලිමේන්තු මන්ත්‍රී නාමල් රාජපක්ෂට දී තිබූ ආරක්ෂිත විදුලි පහන් සහ ඒ සඳහා ඇද තිබූ විදුලි රැහැන් ගලවා ඉවත් කළ බවයි. එසේ නොමැතිව බිල් නොගෙවීම නිසා කරන ලද විදුලි කප්පාදුවක් නොවන බව ඔවුන් පැවසීය.

ඇතැම් සමාජ මාධ්‍ය පළකිරීම්වල මෙය නාමල් රාජපක්ෂගේ විවාහ මංගලෝත්සවයට ගන්නා ලද අමතර විදුලි සැපයුම ඉවත් කළේ යැයි සඳහන් කර තිබුණි.

https://www.facebook.com/share/p/eH6rc5X62RcXdJW7/

මේ පිළිබඳව වැඩිදුරට කරුණු සොයා බැලීම සඳහා අපි ලංකා විදුලි සේවක සංගමයේ ප්‍රධාන ලේකම්  රංජන් ජයලාල්ගෙන් විමසීමක් කළෙමු.

ඒ අනුව ඔහු ප්‍රකාශ කළේ, පාර්ලිමේන්තු මන්ත්‍රීවරයෙකු වශයෙන් ලැබෙන වරප්‍රසාද යටතේ සෑම මන්ත්‍රීවරයෙකුටම නිල නිවස සඳහා ආරක්ෂිත විදුලි ලාම්පු සවිකරන බවයි. නමුත් පාර්ලිමේන්තුව විසුරුවා හැරීමත් සමග එම වරප්‍රසාදය අහිමි වන නිසා මෙම විදුලි සැපයුම් රැහැන් ගලවා ඉවත් කළ බවයි.

මේ සම්බන්ධව වෙබ් අඩවි කිහිපයක ද තොරතුරු වර්තා කර තිබිණි. ඒවායේ ද මෙය අමතරව ලබා දී තිබූ විදුලි සැපයුමක් ඉවත් කිරීමක් ලෙස දක්වා තිබුණි.

https://www.facebook.com/share/p/VXqCizYFRtxtfKp6/

https://www.facebook.com/share/p/bZgXHSERRXLWDD6b/

මේ සම්බන්ධයෙන් බොහෝ දෙනෙකු සිය අදහස් ද ප්‍රකාශ කර තිබිණි.

ඒ අනුව විදුලි බිල නොගෙවීම නිසා හිටපු ජනාධිපති මහින්ද රාජපක්ෂගේ කාල්ටන් නිවසේ විදුලි කප්පාදු කළ බවට පළ වන පුවත් සාවද්‍ය බව Fact Seeker තහවුරු කර යි.