හරිනි අමරසූරිය එඩින්බර්ග් විශ්වවිද්‍යාලයේ පශ්චාත් උපාධිධාරිනියක්
අගමැතිනි හරිනි අමරසූරියට ඇත්තේ එඩින්බර්ග් විශ්වවිද්‍යාලයෙන් මාස තුනක අධි ශිෂ්‍යත්වයක් පමණක් බව සඳහන් කරමින් සමාජ මාධ්‍ය ජාලවල පෝස්ටු සංසරණය වන බව FactSeeker නිරීක්ෂණය කළේ ය
by Anonymous |
දෙසැම්බර් 13, 2024
සමාජ මාධ්‍ය පරිශීලකයින් ද මෙයට එකඟ වෙමින් අදහස් දක්වා තිබීම නිසා FactSeeker මෙහි සත්‍ය අසත්‍යතාවය විමසා බැලීය.
https://www.facebook.com/share/p/19jT6nNGQu/
ඒ අනුව හරිනි අමරසූරියගේ Linkedln ගිණුම තුළ ඇගේ අධ්‍යාපන සුදුසුකම් අන්තර් ගත කර ඇති අතර එහි ඇගේ පශ්චාත් උපාධිය එඩින්බර්ග් විශ්වවිද්‍යාලයෙන් හා ක්වීන් මාග්‍රට් විශ්වවිද්‍යාලයෙන් ලබා ඇති බව සඳහන් කර ඇත.
පසුව එඩින්බර්ග් විශ්වවිද්‍යාලයේ නිල වෙබ් පිටුව තුළ හරිනි අමරසූරිය අගමැතිවරිය ලෙස පත්වීම සම්බන්ධයෙන් සුබපැතුම් එක් කරමින් පළ කර තිබූ සටහන් හමුවිය.
මෙහි පැහැදිළි ලෙස සඳහන් කර තිබුණේ, 2010 වසරේදී හරිනි අමරසූරිය සමාජ මානව විද්‍යාව පිළිබඳ පශ්චාත් උපාධිය සම්පූර්ණ කර ඇති බවයි.
https://www.sps.ed.ac.uk/news-events/news/sps-graduate-appointed-prime-minister-sri-lanka
ඇය 2019 සිට එඩින්බර්ග් විශ්වවිද්‍යාලයේ මානව ශාස්ත්‍ර පිළිබඳ උසස් අධ්‍යයන ආයතනයේ නම් කරන ලද සාමාජිකාවක් ලෙස සම්බන්ධ වී ඇති අතර මාස තුනක පමණ කාලයක් එහි කටයුතු කර ඇත. එහිදී ඇය ශ්‍රී ලංකාවේ විසම්මුතිය පිළිබඳ ව්‍යාපෘතියක් කර තිබේ. ඉන්පසු හරිනි අමරසූරිය ජාතික ලැයිස්තුවෙන් පාර්ලිමේන්තුවට පත් වීම නිසා එඩින්බර්ග් විශ්වවිද්‍යාලයේ මානව ශාස්ත්‍ර පිළිබඳ උසස් අධ්‍යයන ආයතනයේ නම් කරන ලද සාමාජිකත්වයෙන් ඉවත් වී තිබේ.
https://www.iash.ed.ac.uk/news/former-fellow-becomes-prime-minister-sri-lanka
මීට අමතරව හරිනි අමරසූරිය පිළිබඳ සඳහන් කරමින් ක්වීන් මාග්‍රට් විශ්වවිද්‍යාලයේ නිල වෙබ් පිටුවෙහිද සටහනක් දක්නට ලැබුණි.
මේ අනුව මෙම කරුණු පරික්ෂා කිරීමේදී පශ්චාත් උපාධියක් නොමැති බව සහ එය මාස 03ක අධිශිෂ්‍යත්වයක් බව දක්වමින් සමාජ මාධ්‍ වල පලවන පෝස්ටු අසත්‍ය වන අතර ඇය එඩින්බර්ග් විශ්වවිද්‍යාලයේ පශ්චාත් උපාධිධාරිනියක් බව FactSeeker තහවුරු කරයි.
