සිසුන්ට සහ දෙමාපියන්ට තර්ජනය කරන මෙම පෝස්ටු ඇත්තක්ද?
අන්තර් ජාලය ඔස්සේ ආදර ගීත සහ අධ්යාපනික නොවන සංදර්ශන ඉදිරිපත් කරන වයස අවුරුදු 18 ට අඩු දරුවන් සම්බන්ධයෙන් හුවමාරු වන සමාජ මාධ්ය පෝස්ටු නිසා මේ වන විට මහත් කැළඹීමක් ඇති වී තිබේ.
by Anonymous |
පෙබරවාරි 27, 2024
අන්තර් ජාලය ඔස්සේ ආදර ගීත සහ අධ්යාපනික නොවන සංදර්ශන ඉදිරිපත් කරන වයස අවුරුදු 18 ට අඩු දරුවන් පුනරුත්ථාපනය කර ඔවුන්ගේ දෙමාපියන්ට මාස තුනක සිර දඩුවම් හා රුපියල් ලක්ෂයක දඩයක් නියම කරන බවට සමාජ මාධ්ය හරහා හුවමාරු වන පෝස්ටුවක් නිසා මහත් කැළඹීමක් ඇති වී තිබේ.
” වයස අවුරුදු 18 ට අඩු දරුවන් අන්තර්ජාලය ඔස්සේ ආදර ගීත සහ අධ්යාපනික නොවන සංදර්ශන ඉදිරිපත් කරන දෙමාපියන්ට මාස තුනක සිරදඬුවමක් සහ රුපියල් ලක්ෂයක දඩයක් සහ වීඩියෝ කළ දරුවන්ට වසර දෙකක කාලයක් පුනරුත්ථාපනයට ” යනුවෙන් මෙම පෝස්ටුව හුවමාරු වෙමින් පවතී.
මෙය රාජ්ය ලාංඡනය සහිත රජය විසින් නිකුත් කරන ලද මාධ්ය නිවේදනයක් බව පවසමින් බොහෝ දෙනා මෙම සටහන සමාජ මාධ්ය ඔස්සේ හුවමාරු කර ඇති බව Factseeker ට නිරීක්ෂණය කළේ ය.
ඒ අනුව Factseeker එහි සත්යතාව විමර්ශනය කළ අතර එය ව්යාජ දැනුම්දීමක් බව සොයා ගන්නා ලදී.
රජය එවැනි කිසිදු නිවේදනයක් නිකුත් කර නොමැති බවත් කැබිනට් මණ්ඩලයේදී හෝ එවැනි තීරණයක් ගෙන නොමැති බවත් කැබිනට් ප්රකාශක බන්දුල ගුණවර්ධන අවධාරණය කළේය.
මේ සම්බන්ධයෙන් අධ්යාපන අමාත්යාංශයේ මාධ්ය ලේකම් එච්.ටී. කුෂාන් සමීරගෙන් කරුණු විමසූ විට ඔහු පැවසුවේ අධ්යාපන අමාත්යාංශය එවැනි තීරණයක් ගෙන නොමැති බවත් එය අසත්ය ප්රකාශයක් බවත්ය.
එබැවින් හුවමාරු වන මෙම පෝස්ටුව රජයේ දැනුම් දීමක් ලෙස බෙදා හැරීම ව්යාජ එකක් බව Factseeker තහවුරු කරයි.
