ශ්‍රී ලංකාවේ අමෙරිකානු තානාපති ජූලි චන්ග් නමින් ක්‍රියාත්මක වන්නේ ව්‍යාජ ෆේස්බුක් ගිණුමක්
Factseeker වෙත ලැබුණු ඉල්ලීමකට අනුව, ශ්‍රී ලංකාවේ අමෙරිකානු තානාපතිනි ජූලි චන්ග් නමින් මෑතක සිට ක්‍රියාත්මක වන සහ එහි ක්‍රියාකාරිත්වය සම්බන්ධයෙන් සැක මතු කර ඇති ෆේස්බුක් ගිණුමක සත්‍යතාව පිළිබඳව FactSeeker කරුණු විමර්ශනය කළේය.
by Anonymous |
මැයි 20, 2025
තානාපතිනියගේ නමින් ක්‍රියාත්මක වන ෆේස්බුක් ගිණුම පරීක්ෂාවේදී, ශ්‍රී ලංකාවේ අමෙරිකානු තානාපති ජූලි චන්ගේ නිල X අඩවියේ ඇය පළ කරන සටහන් මෙම ෆේස්බුක් පිටුවේ ද ඇතුළත් කර ඇති බව නිරීක්ෂණය විය.
තානාපතිනියගේ නිල X ගිණුම මෙතැනින්.
තවද, ජූලි චන්ග් විසින් පවත්වාගෙන යනු ලබන ෆේස්බුක් ගිණුමට අනුගාමිකයින් 6,000 කට අධික සංඛ්‍යාවක් සිටින අතර, එම අනුගාමිකයන් පිටුවේ බෙදා ගන්නා සෑම සටහනක් සඳහාම කමෙන්ටු පළ කර ඇති බව අපට නිරීක්ෂණය විය.
මෙම ෆේස්බුක් ගිණුම 2022 සැප්තැම්බර් 21 වන දින නිර්මාණය කර ඇති අතර, එම වසරේ ඔක්තෝබර් මාසයේ සිට මෙම පිටුවට ඡායාරූප සහ වීඩියෝ උඩුගත කර ඇති බව නිරීක්ෂණය විය.
අදාළ ෆේස්බුක් ගිණුම පිළිබඳ සත්‍යාපනය කර ගැනීම සඳහා අප ශ්‍රී ලංකාවේ ඇමරිකානු තානාපති කාර්යාලයේ නිල ෆේස්බුක් පිටුව පරීක්ෂා කළ අතර, ශ්‍රී ලංකාවේ අමෙරිකානු තානාපති ජූලි චන්ග්ගේ නමින් ක්‍රියාත්මක වන ෆේස්බුක් ගිණුම ව්‍යාජ එකක් බව එහි පළ කළ පෝස්ටුවක සඳහන් විය.
තවද, FactSeeker මේ පිළිබඳව අමෙරිකානු තානාපති කාර්යාලයේ මාධ්‍ය නිලධාරි කොරී බිකල්ගෙන් විමසූ විට ඔහු තහවුරු කළේ අදාළ ෆේස්බුක් ගිණුම ව්‍යාජ එකක් බවයි.
මේ සම්බන්ධයෙන් ශ්‍රී ලංකාවේ අමෙරිකානු තානාපති කාර්යාලය නිකුත් කළ මාධ්‍ය නිවේදනය මෙතැනින්.
ඒ අනුව, ශ්‍රී ලංකාවේ අමෙරිකානු තානාපති ජූලි චන්ග්ගේ නමින් පවත්වාගෙන යන ෆේස්බුක් ගිණුම ව්‍යාජ එකක් බව FactSeeker තහවුරු කරයි. එමෙන්ම වැරදි තොරතුරු පතුරුවා හැරීමේ අවදානම සහිත බැවින් ව්‍යාජ සමාජ මාධ්‍ය ගිණුම් මත විශ්වාසය තැබීමෙන් වළකින ලෙස මහජනතාවගෙන් ඉල්ලා සිටී.
