එහිදී ඔහු සඳහන් කළේ , “මේ ආණ්ඩුව ආවම බදු අඩු කරනවා කිව්වා නේද? මොකක්ද කළේ ආපු ගමන් ළූණුවලට බදු ගැහුවා, අලවලට, පරිප්පුවලට හාල්මැස්සොවලට උම්බලකඩවලට බදු ගැහුවා.අද ඔන්න සීනිවලටත් රුපියල් 50 ක බද්දක් ගහලා තියෙනනවා. බදු අඩු කරනවා කියපු අය අද වෙනකොට සීනිවලටත් බද්දක් ගහලා. රනිල් බද්ද කිය කියනේ හිටියේ. කලින් තිබුණ බදු අඩු කරනවා කියපු අය දැන් ඔන්න අනුර බද්ද ගහලා.” යනුවෙනි.

එම වීඩියෝව මෙතැනින් – https://www.facebook.com/share/v/1FUgPHneqM/

වතුමන් ආණ්ඩුව ආහාරවලට නව බදු පැන වූවා ද? යන්න පිළිබඳව Factseeker විමසා බැලුවෙමු.

මීට පෙර අවස්ථාවකදීද සැමන් උම්බලකඩ සහ පරිප්පු සඳහා බදු පැනවීමක් සම්බන්ධව ද සමාජ මාධ්‍ය තුළ විවිධ මත ප්‍රචාරය විය.

ඒ අනුව මනූෂ නානායක්කාර විසින් සිදුකළ මෙම ප්‍රකාශයේ සත්‍ය අසත්‍යතාවය සොයා බැලීමේදී  මේ සම්බන්ධව මුදල් අමාත්‍යාංශයේ වෙබ් අඩවියේ ඇතුළත් තොරතුරු වෙත අවධානය යොමු කළේ ය.

මනූෂ නානායක්කාර සඳහන් කරන පරිදි අලුතින් පැනවූ බදු අතර පරිප්පු  හා සීනි   ඇතුළත් වේ.  කරුණු පරික්ෂා කිරීමේදී පැහැදිලි වූයේ මෙය වසරක කාලයකින් පසු කල් පිරෙන බදු නැවත යාවත්කාලීන කිරීමක් ලෙසය.

නව වාර්තාව – https://www.treasury.gov.lk/api/file/4e7e4248-8e29-4ee0-8254-84e45380d3b6

පැරණි වාර්තාව – https://www.treasury.gov.lk/api/file/4a7629af-034a-4938-b07a-cfdbfd5f2d3a

නව වාර්තාව – https://www.treasury.gov.lk/api/file/0bad9fc3-fc71-4f9b-becb-d1a157275054

පැරණි වාර්තාව – https://www.treasury.gov.lk/api/file/47a167ad-f3e8-4dd4-83fa-8017dae63242

එමෙන්ම එහි සඳහන් පරිදි අල සහ ළූණු සඳහා ද නව බදු පනවා ඇති බව FactSeeker ට අනාවරණය කර ගත හැකි විය.

මේ සම්බන්ධව වැඩිදුරටත් පැහැදිලි වීම සඳහා මෙම ප්‍රකාශයේ ඇතුළත් සහ අත්‍යාවශ්‍ය භාණ්ඩ  කිහිපයක් සම්බන්ධයෙන් කර ඇති පහත දත්ත සටහන අධ්‍යයනය කළ හැකිය.

ඒ අනුව මනූෂ නානායක්කාර විසින් සිදුකර ඇති ප්‍රකාශයේ සීනි සහ පරිප්පු සඳහා පනවා ඇති යැයි සඳහන් බදු වසරක කාලය ඉක්මවීමෙන් පසු යාවත්කාලීන කරන ලද ඒවාය.

මේ අනුව මනූෂ නානායක්කාර පවසන පරිදි නව බදු පැනවීමක් සිදුවී නොමැති බව FactSeeker තහවුරු කරයි.