𝐑 ‘𝐫𝐚𝐦𝐧𝐚𝐲𝐚𝐤𝐞𝐞 නමින් පවත්වා ගෙන යන ෆේස්බුක් ගිණුමකට බොහෝදෙනා ප්‍රතිචාර දක්වමින් සිටින බැවින් හුවමාරු වන මෙම පෝස්ටුව සත්‍යයද? යන්න පිළිබදව  factseeker සොයා බැලී ය.

සමාජ මාධ්‍ය තුළ හුවමාරු වන පණිඩුඩයට අනුව “ඔබේ උපන් මාසය ලියන්න, ඔබේ උපන් මාසය අනුව ඔබට තෑග්ගක් ලැබෙනු ඇත යනුවෙන් මෙම පෝස්ටුවේ සදහන් කර තිබේ.

ඒ අනුව ජනවාරි මාසයේ උපන් අයට රුපියල් 250 000 ක් ද පෙබරවාරි මාසයේ උපන් අයට රුපියල් 260 000 ක් ද ආදී වශයෙන් මෙම ත්‍යාග හිමිවන බව මෙහි සදහන් කර ඇත.

තෑග්ගක් ලබා ගැනීමට, ඔබ මෙම සටහන Facebook කණ්ඩායම් 10-15කට බෙදා ගත යුතුය, දැන්ම එය කරන්න යනුවෙන් එම පෝස්ටුව මගින් අවධාරනය කර තිබේ.

මේ පිළිබඳව factseeker රංජන් රාමනායකගෙන් කළ විමසීමේදී හෙතෙම සඳහන් කළේ, මෙම පෝස්ටුවට තමාගේ කිසිදු  සම්බන්ධයක් නොමැති බවයි. අධ්‍යාපනය ලබන දරුවන්ට ලැප්ටොප් පරිගණක ලබා දෙන්නේ, සම්පුර්ණයෙන්ම නොමිලේ බවත් එහිදී ලබා ගන්නා ඡායාරූප යොදා ගනිමින් අදාළ ෆේස්බුක් පිටුව මගින් වංචාවක නිරත වී සිටින බව පැහැදිළි බවත් හෙතෙම සඳහන් කළේය.

එමෙන්ම තමාගේ නම භාවිත කරමින් මෙවැනි ව්‍යාජ පෝස්ටු වරින් වර හුවමාරු වූ බව පවසන රන්ජන් රාමනායක මීට මාස කිහිපයකට ඉහතදී හුවමාරු වූ පෝස්ටුවක් නිසි වංචාවට හසු වූ අය ද සිටින බවයි. ඒ අවස්ථාවේදී තමා සයිබර් අපරාධ කොට්ඨාශයට සහ අපරාධ පරීක්ෂණ කොට්ඨාශයට පැමිණිලි කළ බවද හෙතෙම කීය.

එමෙන්ම නැවත වරක් සිදුවන මෙම වංචාව පිළිබදව තමා අපරාධ පරීක්ෂණ දෙපාර්තමේන්තුවට පැමිණිලි කරන බව රන්ජන් රාමනායක ප්‍රකාශ කළේය.

එමෙන්ම factseeker රන්ජන් රාමනායකගේ නිල ෆේස්බුක් ගිණුම පරීක්ෂා කළ අතර ලොස්ඇන්ජලීස්වලින් තමාට තවත් ලැප්ටොප් 32 ක් ලැබුණු බවත් අවශ්‍ය අයෙක් සිටීනම් තමා අමතන ලෙස 2023.01.15 පණිවුඩයක් හුවමාරු කර ගෙන තිබිණි.

2023.04.21 වෙනි දින ඔහු විශ්ව විද්‍යාල සිසුන්ට ලැප්ටොප් පරිගණක බෙදාදීමේදී ගත් ඡායාරූප ද එහි  හුවමාරු කර ගෙන තිබිණි.

ඒ අනුව මෙය ව්‍යාජ පණිවුඩයක් බව factseeker තහවුරු කරයි