මේ අතර පැවති කාලගුණික තත්වය හේතුවෙන් “ඊයේ යාපනයේ හංදිය” ලෙස දක්වමින් අහසේ යම් ආලෝක කදම්භයන් සහිත ඡායාරූප කිහිපයක් සමාජ මාධ්‍යයේ ව්‍යාප්තවෙමින් තිබුණි.

මේ පිළිබඳව කරුණු තහවුරු කර ගැනීම සඳහා එම ඡායාරූප Reverse Image ඔස්සේ නිරීක්ෂණය කර බැලීමට FactSeeker කටයුතු කරන ලදී. එහිදී මෙම ආලෝක කදම්භයන් ඇමෙරිකාවේ ඇරිසෝනා ප්‍රාන්තයේ දැකගන්නට ලැබුණු ඒවා බව සඳහන් කරමින් විදෙස් පරිශීලකයින් විසින් පළ කරන ලද සමාජ පෝස්ට් බොහෝමයක් හඳුනා ගැනීමට හැකි විය.

ඒ අනුව 2024 වසරේ මාර්තු මස 22වන දින ඇරිසෝනා හි මෙම හඳුනානොගත් ආලෝක කදම්භයන් තිබූ බව මෙම පළ කිරීම්හි සඳහන් වී තිබුණි. මෙම මූඛ්‍ය පද යොදාගනිමින් අදාල දිනයේදී ඇරිසෝනා හි එවැනි සිදුවීමක් සිදුව ඇතිදැයි තව දුරටත් කරුණු සොයා බැලීමට FactSeeker කටයුතු කළේය.
එහිදී මාර්තු 24 වනදා UFO Sightings නැමති ෆේස්බුක් පිටුවේ මෙම ඡායාරූප පළ කර තිබූ බව හඳුනා ගැනීමට හැකි විය. ඊට අමතරව මෙම ආලෝක කඳම්භයන් පිළිබද Irish Star සහ Daily Star වැනි විදෙස් වෙබ්අඩවි වල පල කර තිබූ ලිපි කිහිපයක් FactSeeker අපට හමු විය.

එම ලිපි කියැවීමට මෙතැනින් පිවිසෙන්න :
https://www.irishstar.com/news/us-news/bizarre-ring-shaped-ufos-sky-32435777

https://www.dailystar.co.uk/news/us-news/ring-shaped-ufos-caught-bizarre-32434194

මෙම ලිපිවල අන්තර්ගතය නිරීක්ෂණය කිරීමේදී මෙම ඡායාරූප පිළිබඳ විශේෂ සඳහනක් අපට හමු විය.

Note: not everyone believes the pictures are real. One person said: “Looks like a photoshop job to me.” Another person wasn’t sure either, saying: “Sorry but it clearly looks like a reflection from the picture taken out a window reflecting indoor lighting.”

එනම් එම ඡායාරූප සැබෑවක් යැයි සියළුම පුද්ගලයින් විශ්වාස නොකරන බවත්, ඇතමුන් එය photoshop මෘදුකාංගයෙන් සකසන ලද්දක් හෝ එය ගෘහස්ථ කවුළුවක් හරහා ගත් නිසා සිදු වූ ආලෝක පරාවර්ථනයක් බවත් විශ්වාස කරන බවත් ය. ඒ අනුව විදෙස් මාධ්‍ය වාර්ථාවන්ට අනුව ද මෙහි සත්‍ය අසත්‍යතාව පිළිබද නිශ්චිතව සඳහනක් නොමැත.

ඒ අනුව මෙම ඡායාරූප කිසිවක් ශ්‍රී ලංකාවේ පැවති අයහපත් කාලගුණ තත්වය මත යාපනයේ සිදුවූ සංසිද්ධියකට ආදාළ ඒවා නොවන බවත් එය පුද්ගලයින් නොමඟ යැවීමේ සමාජ මාධ්‍ය පළ කිරීමක් බවත් FactSeeker තහවුරු කරයි.