එහිදී  ශ්‍රී ලංකාව තුළ ස්ටාර්ලින්ක් (Starlink)  ක්‍රියාත්මක කිරීම පිළිබඳව ජනාධිපතිවරයා ඉලෝන් මස්ක් සමග සාකච්ඡා කළ බව ජනාධිපති මාධ්‍ය අංශය නිවේදනය කළේය.

මේ සමගම ස්ටාර්ලින්ක් (Starlink) සම්බන්ධයෙන් විවිධ කතාබහ සහිත පෝස්ට් සමාජ මාධ්‍ය තුළ හුවමාරු වන බැවින් මේ පිළිබඳව සොයාබැලීමට Fact seeker තීරණය කළෙමු.

ස්ටාර් ලින්ක්  (Starlink) නිල වෙඩ් අඩවියට අනුව https://www.starlink.com/  Starlink යනු රටවල් 70කට අධික සංඛ්‍යාවකට ආවරණය සපයන ඇමරිකානු අභ්‍යවකාශ සමාගමක් වන SpaceX හි පූර්ණ අනුබද්ධිත ආයතනයක් වන Starlink Services, LLC විසින් මෙහෙයවනු ලබන චන්ද්‍රිකා අන්තර්ජාල පද්ධතියකි. එමෙන්ම ගෝලීය ජංගම බ්‍රෝඩ්බෑන්ඩ්  සැපයීම ද එහි අරමුණ වී ඇත. SpaceX Starlink චන්ද්‍රිකා දියත් කිරීම 2019 දී ආරම්භ කර තිබේ.

Starlink සේවාව ගෘහස්ථ දෘඩාංග (hardware) සඳහා පවුම් 299 ක් ද සේවාව සඳහා පවුම් 75 ක් ද අය කෙරේ.  කාර්යාල සහ දුරස්ථ ප්‍රදේශ වෙත සේවා සැපයීම සඳහා දෘඩාංග (hardware) සඳහා පවුම් 299 ක් ද සේවාව සඳහා පවුම් 85 සිට ආරම්භ කරන බව ඔවුන් සඳහන් කර තිබේ.

නාවික ගමනාත්ත සඳහා අන්තර්ජාලය ලබාගැනීමේදි ජලය මත අධිවේගී අන්තර්ජාලය සඳහා  පවුම් 2,470ක දෘඩාංග පිරිවැයක් සමඟින් පවුම් 247  සිට සේවාව  ආරම්භ වන බවද සඳහන් කර තිබේ.

Starlink ලෝකය පුරාම විහිදී ඇති බැවින් ලෝකය පුරාම එකම අන්තර්ජාල සබඳතාවක් හරහා කටයුතු කළ හැකි අතර රෝමිං සේවා ලබාගැනීමට අවශ්‍ය නොවේ. 4G හෝ 5G සබඳතා සහිත  උපාංගයක් (දුරකථන පරිගණක) මේ සඳහා සම්බන්ධ කර ගැනීමට හැකියාව ඇත.  නමුදු මේ සඳහා වැයවන පිරිවැය ඉහළ මට්ටමක ඇත.  මේවනවිට Starlink ජාලය ලෝකය පුරාම විදිහි තිබෙන අතර ඒ ඒ රටවල සන්නිවේදන නියාමන ආයතන අනුමත කළ පසුව  ඒ ඒ රටවලට Starlink සේවාව සක්‍රිය වෙ .

Starlink සේවාව දැනට ක්‍රියාත්මක වන රටවල් ඉහත සිතියමෙන් දිස්වේ.

ශ්‍රී ලංකාවේ මෙතෙක් එය සක්‍රීයර කර ැත.

මාලදිවයින තුළ මෙම ව්‍යාපෘතිය ආරම්භ කර ඇති අතර දකුණු ආසියාවේ අනෙනෙත් රටවල් මෙතෙක් එය ආරම්භ කර නැැත

මුලාශ්‍ර – https://www.starlink.com/