මේ අතර පසු ගිය දිනක හැරී කුමරු තම බිරිඳ වන මේගන් පිළිබඳව ඉතා ශෝකාකූල පුවතක් වාර්තා කළ බවට තොරතුරු සමාජ මාධ්‍යයේ සටහන් වී තිබුණි. එසේම මේගන් මාර්ක්ල් පිළිකා රෝගයෙන් පීඩා විඳින බව අතැම් පළ කිරීම්වල සඳහන් විය.

මේ සම්බන්ධයෙන් දෙස් විදෙස් සමාජ මාධ්‍ය වේදිකා කිහිපයකම පුවත් පළ වී තිබුණ ආකාරය FactSeeker නිරීක්ෂණය කළේය.

නමුත් ප්‍රධාන ධාරාවේ මාධ්‍ය හෝ සමාජ මාධ්‍ය කිසිවක මේගන් මාර්කල්හට හදීසි පිළිකාවක් පවතින බව හෝ එවැනි හදීසි අසනීප තත්වයක් ඇති වූ බව පිළිගත හැකි ප්‍රවෘත්ති කිසිවක් පල වී නැත.

මේ පිළිබඳ වැඩිදුර තොරතුරු සොයා බැලීමේදී, බ්‍රිතාන්‍ය රජ පවුලේ විලියම් කුමරුගේ බිරිද වන වේල්ස් කුමරිය හෙවත් කේට් මිඩෙල්ටන් පසුගිය වර්ෂයේ මාර්තු මාසයේදී තමන්ට පිලිකාවක් ඇති බවට රෝග විනිශ්චය හෙළි කර තිබේ. මේ පිළිබඳ CBS හි පළවූ ප්‍රවෘත්තිය මෙතැනින්:

https://www.cbsnews.com/news/kate-middleton-medical-record-breach-report-princess-of-wales-health/

නමුත් මෙම වසරේ ජනවාරි මාසය වන විට ඇය සුව අතට හැරෙමින් සිටින බවත්, ඇය ප්‍රතිකාර ලැබූ රෝහලේ වෙනත් රෝගීන් හමු වූ ආකාරය පිලිබඳවත් පිළිගත හැකි විදෙස් ප්‍රවෘත්ති මාධ්‍යයන් හි කරුණු සඳහන් විය. කේට් කුමරියගේ සෞඛ්‍ය තත්වය සම්බන්ධයෙන් යාවත්කාලීන පුවත් කිහිපයක් මෙතැනින්:

https://www.bbc.com/news/articles/cx2m8g2vp41o

https://abcnews.go.com/GMA/Culture/kate-middleton-surgery-photo-timeline/story?id=108017783#:~:text=Culture-,Kate%20Middleton:%20A%20timeline%20of%20her%20cancer%20diagnosis%2C%20surgery%20and,her%20cancer%20diagnosis%20in%20March.&text=In%20March%2C%20Kate%2C%20the%20Princess,at%20the%20timeline%20of%20events

මීට අමතර කේට් කුමරිය තම නිල සමාජ මාධ්‍ය ගිණුම්වල ඇගේ සෞඛ්‍ය තත්ත්වය පිළිබඳව සටහන් කර තිබූ ආකාරය FactSeeker නිරීක්ෂණය ක‌ළේ ය.

එසේම කේට් කුමරියගේ අසනීප තත්වය පිළිබඳ විමසා බැලීමට හැරී කුමරු සහ ඔහුගේ බිරිඳ වන මේගන් මාර්කල්ගේ පැමිණීම පිළිබඳව ද අන්තර්ජාතික මාධ්‍යයන්හි තොරතුරු සඳහන් විය.

https://www.cbsnews.com/news/harry-and-meghan-speak-out-after-princess-kate-cancer-diagnosis/

මේ අනුව හැරී කුමරුගේ බිරිඳ වන මේගන් මාර්කල් අසනීප තත්වයෙන් සිටින බවත්, ඇයට පිළිකාවක් අති බවත් සඳහන් කරමින් සමාජ මාධ්‍යයේ හුවමාරු වන තොරතුරු අසත්‍ය බව FactSeeker තහවුරු කරයි.