කෙසේ නමුත්  මෙම පුවත සම්බන්ධයෙන් ජාත්‍යන්තර වශයෙන් විශාල අවධානයක් යොමු වූ අතර විශේෂයෙන් ම සමාජ මාධ්‍ය ඔස්සේ භූකම්පනයට අදාළ කෙටි වීඩියෝ දර්ශන රැසක් හුවමාරු වෙමින් පැවතිණි.

මේ අතර එම භූකම්පනයට අදාළ යැයි සඳහන් කරමින් ගොඩනැගිලි සුන්බුන් අතර සිටින තුවාල සහිත බිළිදෙකුගේ වීඩියෝවක් සමාජ මාධ්‍ය වේදිකාවල හුවමාරු වනු FactSeeker නිරීක්ෂණය කළේය.

එම වීඩියෝව මෙතැනින්,

https://www.instagram.com/vijayakumar5735/reel/DHIH1ImKxtT/

https://www.facebook.com/share/v/1BUHMKg6Fu/

මෙම වීඩියෝව Google Reverse Image හරහා නිරීක්ෂණය කිරීමේදී  විදෙස් සමාජ මාධ්‍ය ගිණුම් හරහා ද එම වීඩියෝව හුවමාරු වී තිබෙන ආකාරය හඳුනාගත හැකි විය. නමුත් ප්‍රධාන මාධ්‍ය කිසිවක එවැනි ආකාරයේ දර්ශන සහිත පරිසරයකින් ළදරුවෙකු බේරාගන්නා ප්‍රවෘත්තියක් සොයා ගැනිමට නොහැකි විය.

අදාළ වීඩියෝවේ සිටින ළදරුවාගේ චලනයන් හි අස්වාභාවික බව, දිවි ගලවා ගැනීමට පැමිණි අයගේ ඉරියව් සහ ඇස් සබඳතාවල අසාමාන්‍ය ලක්ෂණ හේතුවෙන් එය සත්‍ය වීඩියෝවක් ද යන්න තහවුරු කර ගැනීමට Deepware වෙබ් අඩවිය ඔස්සේ කරුණු නිරීක්ෂණය කළ අතර එහිදී ලැබූ ප්‍රතිඵල අනුව මෙම වීඩියෝව කෘත්‍රීම බුද්ධියෙන් නිර්මාණය කරන ලද්දක් බවට තහවුරු කර ගැනීමට හැකි විය.

ඒ අනුව සුබුන්වලට යට වී තුවාල ලබා සිටින බිළිඳාගේ වීඩියෝව මියෙන්මාර භූකම්පන සිද්ධියට අදාළ නොවන බවත්, එය කෘත්‍රීම බුද්ධියෙන් නිර්මාණය කරන ලද වීඩියෝවක් බවත් FactSeeker තහවුරු කරයි.