මේ සම්බන්ධයෙන් සමාජ මාධ්‍ය තුළ විවිධ AI වීඩියෝ හුවමාරු වෙමින් පවතී. මෙම සන්දර්භය තුළ, “මියන්මාර භූමිකම්පාව” යන සටහනින් යුත් වීඩියෝවක් සමාජ මාධ්‍යවල හුවමාරු වෙමින් පවතින ආකාරය FactSeeker නිරීක්ෂණය කළේය.

මෙම වීඩියෝවේ දැක්වෙන්නේ ව්‍යසනයකින් පසු හානි වූ මාර්ග සහ ගොඩනැගිලිවල ගුවනේ සිට ගනු ලැබූ දර්ශනයන් ය.  අප විසින් Google Reverse Image භාවිතයෙන් වීඩියෝව විශ්ලේෂණය කළ විට, එය ජාත්‍යන්තරව සමාජ මාධ්‍යවල බහුලව බෙදාගෙන ඇති බව නිරීක්ෂණය කිරීමට හැකි විය.  කෙසේ වෙතත්, මෙම වීඩියෝව කිසිදු නිල ප්‍රවෘත්ති වෙබ් අඩවියක ප්‍රකාශයට පත් කර නොමැති බව වැඩිදුරටත් නිරීක්ෂණය කිරීමේදී තහවුරු විය.

තවද, මෙම වීඩියෝව පරීක්ෂා කිරීමේදී, ඇතැම් භූ දර්ශනවල අංශ අපැහැදිලිව  පටිගත වී ඇති බව නිරීක්ෂණය විය. නිදසුනක් ලෙස, මෙම වීඩියෝවේ ඇති වාහන බොඳ වී ඇති අතර වීඩියෝවේ සිටින පුද්ගලයින්ගේ මුහුණු සහ ශරීර දර්ශනවලට හානි සිදුවී ඇත. මේ හේතුවෙන් වීඩියෝව AI භාවිතයෙන් නිර්මාණය කර ඇති බවට අනුමාන මතු විය.

මෙම වීඩියෝව AI  භාවිතයෙන් නිර්මාණය කර ඇත්දැයි විශ්ලේෂණය කිරීමට Deepware ක්‍රමය භාවිතා කළ අතර, ලැබූ ප්‍රතිඵල වලින් එය ‘AI වීඩියෝවක්’ බව අනාවරණය විය.

එසේම මෙම වීඩියෝව සම්බන්ධයෙන් වැඩිදුර නිරීක්ෂණයේදී බීබීසී ප්‍රවෘත්ති සේවය විසින් ප්‍රකාශයට පත් කරන ලද වාර්තාවක්  FactSeeker ට හමු විය. ඒ ඔස්සේ ද  තහවුරු වූයේ, වීඩියෝව AI තාක්ෂණයෙන් ජනනය කරන ලද  බවයි.

එම වීඩියෝව මෙතැනින්:  https://www.instagram.com/reel/DH4TYQhIL9J/?igsh=bmo4aXpycHlnMXQ=

එබැවින්, මියන්මාර භූමිකම්පාවේ අවස්ථාවක් ලෙස සමාජ මාධ්‍යවල බෙදා ගන්නා වීඩියෝව AI තාක්ෂණයෙන් නිර්මාණය කරන ලද බව FactSeeker තහවුරු කරයි.