එහිදී ජනාධිපති නීතීඥ එම්.ඒ.සුමන්දිරන් හා රාසමානික්කම් ශානක්‍යයන් යන මන්ත්‍රීවරු රනිල් වික්‍රමසිංහ පාර්ශවය සමග වෙන වෙන ම සාකච්ඡා පවත්වා තිබුණු බව සිරස ටී.වී. ප්‍රධාන ප්‍රවෘත්ති විකාශයේ වාර්තා කර තිබිණි.

මෙම සාකච්ඡාව සම්බන්ධයෙන් “ජයග්‍රහණය කළ නොහැකි බව ජනාධිපති රනිල් වික්‍රමසිංහ තේරුම්ගෙන සිටින බව ඔහු හමුවීමෙන් පසුව දෙමළ ජාතික සන්ධාන මන්ත්‍රී එම්.ඒ.සුමන්දිරන් කියා සිටී.” යනුවෙන් මුහුණු පොතේ හුවමාරු කර ගෙන තිබෙන  පෝස්ටුවක් Fact seeker නිරීක්ෂණය කළේ ය.

මෙහිදී රනිල් වික්‍රමසිංහ සහ ජනාධිපති නීතීඥ එම්. ඒ සුමන්දිරන් අතර පැවති සාකච්ඡාව තුළ ජනාධිපතිවරයා විසින් තමන්ට ජයග්‍රහණය කළ නොහැකි බව  පිළිගන්නා බව පැවසූ බව හගවමින් පරිදි මෙම පෝස්ටුව පළ කර තිබිණි.

ජනාධිපතිවරයා සැබෑ ලෙසම මෙවැනි ප්‍රකාශයක් කර ඇත්ද? යන්න පිළිබඳව factseeker සොයාබැලිය.

ඒ අනුව මෙම හමුව සම්බන්ධයෙන් අපි සිරස නාලිකාව ප්‍රවෘත්ති විකාශය  තුළ මේ සම්බන්ධව ඉදිරිපත් කළ පුවතට අවධානය යොමු කළෙමු.

එහිදී රනිල් වික්‍රමසිංහ සෑම ජනකොටසකගේම සහය තමාට ඇති බව පෙන්වීමට දෙමළ ජනතාවගේ සහයත් තමාට අවශ්‍ය බව පැවසූ අතර මෙම මැතිවරණය ජයග්‍රහණය කිරීම අපහසු බව ජනාධිපතිවරයා ද දැන සිටින බව සුමන්දිරන් මන්ත්‍රීවරයා මෙහිදී පුකාශ කරයි. සිරස ටී.වී එම ප්‍රවෘත්ති ප්‍රකාශය මෙතැනින් https://www.facebook.com/watch/?mibextid=Le6z7H&v=1065894245159003&rdid=alwvuGH5TNFluulj

ඒ අනුව මෙම ප්‍රකාශය තුළ රනිල් වික්‍රමසිංහට මැතිවරණය ජයග්‍රහණය කළ නොහැකි බව සුමන්දිරන්කා මන්ත්‍රීවවරයා ප්‍රකාශ කර නැති අතර ඒ සඳහා පවතින අපහසුතාවක්එ, එසේ නැතිනම් ඒ සඳහා ප්‍රබල වෑයමක් දැරීමට සිදුවන බවක් පමණක් පවසා ඇති බව factseeker  තහවුරු කරයි.