ද්විත්ව පුරවැසිබාවය ඇති අයෙකුට පාර්ලිමේන්තු මන්ත්‍රී ධූරයක් දැරිය නොහැකි බවට 19 වෙනි ආණ්ඩුක්‍රම ව්‍යවස්ථා සංශෝධනයෙන් පැනවූ තහනම නිසා මේ පිළිබඳව සොයා බැලීමට factseker කටයුතු කළේය.

මැතිවරණ නීතියට අනුව මහජන නියෝජිතයින් ලෙස ඉදිරිපත් වන සියලු දෙනා ශ්‍රී ලාංකිකයින් විය යුතු බවටත් ද්විත්ව පුරවැසිභාවය හිමි අය මැතිවරණයට තරඟ කළ නොහැකි බවටත් සඳහන් කර තිබේ.

එහි සඳහන් වන්නේ, 19 වන ආණ්ඩුක්‍රම ව්‍යවස්ථා සංශෝධනයේ 20 (4) වන වගන්තිය මගින් (XIII) වන අනුඡේදය ඇතුළත් කරන ලදී.

( වෙනත් රටක ද පුරවැසියකු වන ශ්‍රී ලංකාවේ පුරවැසියකු යන්න(XIII) එම අනුඡේදයයි  )

ඉන්පසු මෙය 20 වන ආණ්ඩුක්‍රම ව්‍යවස්ථා සංශෝධනයේ 15. (2) වන වගන්තිය මගින් එකී අනුඡේදය ඉවත් කරන ලද අතර

21 වන ආණ්ඩුක්‍රම ව්‍යවස්ථා සංශෝධනයේ 8. (3) වන වගන්තිය මගින් 19 වන ව්‍යවස්ථා සංශෝධනයේ තිබූ (XIII) වන අනුඡේදය යළි ඇතුළත් කරන ලදී.

මෙවර මහ මැතිවරණය සඳහා ජාතික ජනබලවේගය ඉදිරිපත් කළ අපේක්ෂකයින් අතර ද්විත්ව පුරවැසියන් ඉදිරිපත්ව ඇති ද යන්න පිළිබඳව නිහාල් අබේසිංහ පැවසුවේ එය අසත්‍යයක් බවත් ඉදිරිපත් කර ඇති සියලුදෙනා ශ්‍රී ලාංකික පුරවැසියන් බවත්ය.

මේ සම්බන්ධයෙන් චෝදනා එල්ල වන පුබුදු නුවන් සමරවීරගෙන් ද  factseker විමසීමක් කළේය. පුබුදු නුවන් සමරවීර ඕස්ට්‍රේලියාවේ සත්ව නිෂ්පාදන ක්ෂේත්‍රයේ තත්ව පාලන නිලධාරියෙකු ලෙස සේවය කරන  අතර එහිදී හෙතෙම පැවසුයේ  තමාට එරෙහිව එල්ල කරන චෝදනා අසත්‍ය බවය. ඕස්ට්‍රේලියාවේ රැකියාව කළ ද තමා තවමත් ශ්‍රී ලාංකික පුරවැසියෙකු බවත් ඕස්ට්‍රේලියානු පුරවැසිභාවය ලබාගෙන නොමැති බවද හෙතෙම සඳහන් කෙළ්ය.

මෙය තහවුරු කිරීම සඳහා ඔහුගේ විදේශ ගමන් බලපත්‍රයේ පිටපතක් factseker වෙත යොමු කර ඇති අතර ඔහුගේ ඉල්ලීම මත එය පළ නොකිරීමට අපි තීරණය කළෙමු.

ඒ අනුව පුබුදු නුවන් සමරවීර ද්විත්ව පුරවැසියෙකු නොව ශ්‍රී ලාංකික පුරවැසියෙකු බව  factseker තහවුරු කරයි.