විදෙස් සංචාරයකදී රජයේ මුදල් අවභාවිත කළ බවට එල්ල වූ චෝදනා මත අපරාධ පරීක්ෂණ දෙපාර්තමේන්තුව මගින් අත්අඩංගුවට ගෙන පැය ගණනක නඩු විභායකින් අනතුරුව හිටපු ජනපති රනිල් වික්‍රමසිංහ ලබන 26 දා දක්වා රක්ෂිත බන්ධනාගාර ගත කරන ලෙස කොටුව මහේස්ත්‍රාත් නිලුපුලී ලංකාපුර නියෝගය කර තිබිණි.

රනිල් වික්‍රමසිංහ රක්ෂිත බන්ධනාගාර ගත කිරීමෙන් පසුව සමාජ මාධ්‍ය ජාල කළඹමින් විවිධ පුවත් පළ කර තිබෙන අයුරු Factseeker ට නිරීක්ෂණය විය.
මේ අතර නිලුපුලී ලංකාපුරගේ පියා දයා ලංකාපුර බව සඳහන් කළ සමාජ මාධ්‍ය පෝස්ටු කිහිපයක්ම නිරීක්ෂණය විය.

ඒ අනුව තොරතුරු දැන ගැනීමේ අයිතිවාසිකම් පිළිබඳ කොමිෂන් සභාවේ සභාපති දයා ලංකාපුරගෙන් Factseeker මේ පිළිබඳ විමසීමක් කළෙමු. එහිදී ඔහු ප්‍රකාශ කළේ, එය සම්පූරණයෙන්ම අසත්‍ය බවයි. සිය දියණිය බැංකු නිලධාරිනියක් ලෙස සේවය කරන අතර නිලුපුලී ලංකාපුර ඔහුගේ දියණිය නොවන බව සඳහන් කළේ ය.

ඒ අනුව කොළඹ කොටුව මහේස්ත්‍රාත් නිලුපුලී ලංකාපුර, දයා ලංකාපුරගේ දියණිය බව සඳහන් කරමින් පළ කළ සටහන් සාවද්‍ය බව Factseeker තහවුරු කරයි.