එම උත්සව අවස්ථාව සදහා මහජන ආරක්ෂක හා පාර්ලිමේන්තු කටයුතු අමාත්‍ය ආනන්ද විජේපාල ද සහභාගී විය. මෙම අවස්ථාව සඳහා අමාත්‍යවරයා හැඳ සිටි ආකාරයේම ඇඳුමින් සැරසී සිටි අයෙකු ටයිල් යෙදූ භූමිය වන්දනා කරන ආකාරයේ ජායාරූපයක් සමාජ මාධ්‍ය ඔස්සේ සංසරණය වන අයුරු Factseeker අපට දැකගත හැකි විය.

බැලු බැල්මට එය ආනන්ද විජේපාල ඇමැතිවරයා බවට පෙනී යන බැවින් ආනන්ද විජේපාල ඇමැතිවරයාගේ සමාජ මාධ්‍ය පිටුවල හෝ ගිණුම්වල එවැනි  ඡායාරූපයක් හුවමාරු කර ගෙන ඇති ද? යන්න පිළිබඳව මුලින්ම සොයා බැලීය.

එහිදී ඇමතිවරයා එම අවස්ථාවට සහභාගී වූ අවස්ථාවේ ගත් ඡායාරූප කිහිපයක් ශ්‍රී ලංකා පොලීසිය පල කල ජායාරූප කිහිපයක් අපට හමු විය.

එය මෙතැනින් – https://www.facebook.com/share/p/19tQjyQaHu/?mibextid=wwXIfr

මෙම භූමි වන්දනය සිදු කරන ආකාරය හා එහි වටපිටාවේ අස්වාභාවික බව නිසා ඒ පිළිබද වැඩිදුර කරුණු පරීක්ෂා කිරීමට Factseeker කටයුතු කරනු ලැබීය.

ඒ අනුව 2025/08/31 දින මහජන ආරක්ෂක හා පාර්ලිමේන්තු කටයුතු අමාත්‍ය ආනන්ද විජේපාල මහතාගේ යැයි හැගෙන ලෙස ව්‍යාජව සකස් කරන ලද ජායාරූප හා ව්‍යාජ ප්‍රවෘත්ති සම්බන්ධයෙන් කරන ලද මාධ්‍ය නිවේදනයක් නිකුත් කරමින් මහජන ආරක්ෂක හා පාර්ලිමේන්තු කටයුතු අමාත්‍යාංශය කියා සිටියේ එම ජායාරූපය සම්පූර්ණයෙන්ම ව්‍යාජ ජායාරූපයක් බවයි.

එම මාධ්‍ය නිවේදනය පහතින්:

එසේම 2025/09/01 දින පොලිස් මාධ්‍ය ප්‍රකාශක කොට්ඨාසය සියලුම මාධ්‍ය ආයතන වෙත නිකුත්කරනු ලැබූ ලිපියෙහි සදහන් වන්නේ පොලිස්පති විසින් සමාජ මාධ්‍ය ඔස්සේ සංසරණය වන මෙම ව්‍යාජ ප්‍රවෘත්ති සම්බන්ධයෙන් විමර්ශන ආරම්භ කර අදාළ පුද්ගලයන්ට එරෙහිව නෛතික ක්‍රියාමාර්ග ගැනීමට කටයුතු කරන ලෙස අපරාධ පරීක්ෂණ දෙපාර්තමේන්තුවට නියෝග කල බවයි.

එම නිවේදනය පහතින්:

තවදුරටත් කරුණු පරීක්ෂා කිරීමේදී ජායාරූපයේ මුල් හිමිකරු ලෙස සැලකෙන කවිදු ප්‍රදීප් කස්තුරිආරච්චි යන අය ෆේස්බුක් පණිවිඩයක් යොමුකරමින් මහජන ආරක්ෂක හා පාර්ලිමේන්තු කටයුතු අමාත්‍ය ආනන්ද විජේපාල මහතා භූමිවන්දනය සිදුකිරීමේ ජායාරූපය AI තාක්ෂණය යොදාගනිමින් කරන ලද ජායාරූපයක් බවට ෆේස්බුක් සටහනක් එක් කරමින් දක්වා ඇති අයුරු ද නිරීක්ෂණය විය

එම පණිවුඩය පහතින්:

ඒ අනුව මහජන ආරක්ෂක හා පාර්ලිමේන්තු කටයුතු අමාත්‍ය ආනන්ද විජේපාල භූමි වන්දනය කරන ආකාරයේ ජායාරූපය ව්‍යාජ ජායාරූපයක් බව Factseeker  තහවුරු කරයි.