සමාජ මාධ්‍ය හරහා හුවමාරු වන එම පෝස්ටු හා ලිපි පහතින්.

https://www.facebook.com/share/p/RwRLvjqexYUWhuTH/

https://www.facebook.com/share/p/EFtGTAPXF75MdVRk/

https://www.facebook.com/share/e98otgu6kiD8viZ1/

මේ සම්බන්ධයෙන් FactSeeker ශ්‍රී දළඳා මාලිගාවේ පරිපාලන අංශයෙන් විමසූ විට ඔවුන් සඳහන් කළේ, මෙවැනි ඡායාරූප ගැනීමක් සිදු වී ඇතිද? යන්න පිළිබඳව සීසීටීවී දර්ශන පරීක්ෂා කර විමර්ශනයක් කරන ලෙස ශ්‍රී දළදා මාලිගාවේ පොලිස් ස්ථානයට දැනුම් දී තිබෙන බවයි. මෙම ඡායාරූප ගැනීම සිදු කර ඇත්තේ සාමාන්‍ය ඡායාරූපකරණ සීමාවෙන් ඔබ්බට ගොස් හානිකර කෘත්‍රිම ආලෝක භාවිත කර නම් ඊට එරෙහිව නීතිමය ක්‍රියාමාර්ග ගතහැකි බව ද පරිපාලන අංශයේ නිලධාරියෙකු අනාවරණය කළේ ය.

මේ සම්බන්ධව ශ්‍රී දළඳා මාලිගාවේ පොලිස් ස්ථානයෙන් කළ විමසීමේදී පොලිස් ස්ථානාධිපති සී. අයි. සේනාධීර පැවැසුවේ, යම් යුවලක් සම්ප්‍රදායික මුල් ඇඳුමින් සහ උඩරට මනාලියක ලෙස(මාල හත පැළඳ) මාලිගාවට පැමිණීම වැරදි බවයි. එමෙන්ම මෙය සාමාන්‍ය ඡායාරූපගත කිරීමක් බව තමන්ගේ අදහස වන බව ද ඔහු පෙන්වා දුන්නේ ය. එමෙන්ම ඔවුන් සංවර ඇඳුමකින් සැරසී සිටින බව පවසන පොලිස් ස්ථානාධිපතිවරයා මෙම ඡායාරූප ගැනීමේදී හානිකර උපාංග පාවිච්චි කර තිබේද? යන්න පිළිබඳ ව විමර්ශනය කරන බව ද පැවැසීය.

එමෙන්ම සමාජ මාධ්‍යවල සඳහන් වන පරිදි මෙය වාණිජ අරමුණකින් කළ ඡායාරූප ගැනීමක් නොවන බව පෙන්වා දුන් ශ්‍රී දළඳා මාළිගාවේ පොලිස් ස්ථානාධිපතිවරයා මේ සම්බන්ධ විමර්ශනයක් කිරීම සඳහා මහනුවර කොට්ඨාස අපරාධ විමර්ශන අංශයට භාර දී තිබෙන බව වැඩිදුරටත් පැවැසීය.

මේ පිළිබඳව මහනුවර කොට්ඨාස අපරාධ විමර්ශන අංශයෙන් කළ විමසීමේදී එහි ප්‍රධාන පොලිස් පරීක්ෂක තිලක් සමරනායක පැවසුවේ, එම සිදුවීමේ විමර්ශන කටයුතු කරගෙන යන බවත් එම මනාල යුවල කැඳවීමට අවශ්‍යතාවයක් ඇති වුවහොත් ඒ සඳහා පියවර ගන්නා බවත්ය.

මෙම ඡායාරූප පෙළ රංගන ශිල්පී දෙව්නක පෝරගේ සහ හෂිනි වෑදණ්ඩගේ විවාහ ගිවිස ගැනීම වෙනුවෙන් ගත් ඡායාරූප වෙයි. මෙම චෝදනා සම්බන්ධයෙන් ඔහුගේ ඡායාරූප ශිල්පියා වන ලක්මාල් සිංහාරගේ සිය ෆේස්බුක් පිටුවේ මේ සම්බන්ධව සටහනක් එක් කර තිබිණි. එම පෝස්ටුව පහතින්.

https://www.facebook.com/share/p/T16qoJJyA4Xi944K/

කෙසේ වෙතත් Lakmal Sinharage Photography ෆේස්බුක් පිටුවේ පළ කර ඇති අදාළ යුවලගේ ඡායාරූප ඇල්බමයෙන් ශ්‍රී දළඳා මාලිගාවේදී ඔවුන් ලබාගත් ඡායාරූප ඉවත් කර ඇති බව අපට නිරීක්ෂණය විය.