මන්ත්‍රී අසංක නවරත්න සජිත් පිලට ගියාද?
ශ්‍රී ලංකා මහජන පක්ෂයේ නායක, පාර්ලිමේන්තු මන්ත්‍රී අසංක නවරත්න “සජිත් පිලට එක් වෙයි”
by Anonymous |
සැප්තැම්බර් 11, 2023
ශ්‍රී ලංකා මහජන පක්ෂයේ නායක, පාර්ලිමේන්තු මන්ත්‍රී අසංක නවරත්න “සජිත් පිලට එක් වෙයි” යනුවෙන් ප්‍රධාන ධාරාවේ මාධ්‍ය මෙන්ම වෙබ් අඩවි පළ කළ ප්‍රවෘත්තියක පරස්පරතාවක් Fact seeker නිරීක්ෂණය කළේ ය.
අසංක නවරත්න ඉකුත් 04 දා විපක්ෂ නායක සජිත් ප්‍රේමදාස හමු වී තිබූ අතර ඒ හමුවීම සම්බන්ධයෙන් පළවූ වාරතා පරස්පර වීම නිසා ඒ පිළිබද සොයා බැලීමට අපි අදහස් කළෙමු.
2023.09.05 වෙනි දින දිනපතා පුවත්පත් නිරීක්ෂණය කිරීමේදී දැක ගත හැකි වූයේ අසංක නවරත්න සමගි ජනබලවේගයට එක් වී ඇති බවයි. මෙම පුවත්පත් වාර්තා පළවීමෙන් පසු පුවත්පත් සාකච්ඡාවක් කැදවා ඇති අසංක නවරත්න සදහන් කර තිබුණේ, තමා ජාතික සමගි ජනබලවේගයට එක් නොවූ බවයි.
විපක්ෂ නායක සජිත් ප්‍රේමදාස ඉදිරි ජනාධිපතිවරණයේදී පිහිටුවීමට නියමිත පුළුල් ජාතික සන්ධානය සදහා දේශපාලන පක්ෂ සමග කරන සාකච්ඡාවේදී තම පක්ෂයට සාකච්ඡා සදහා ආරාධනා කර තිබූ බවත් ඒ සදහා තම පක්ෂයේ නියෝජිතයින් සමග සජිත් ප්‍රේමදාස සමග සාකච්ඡාවක් පැවැත්වූ බවත් අසංක නවරත්න සදහන් කර තිබිණි.
එසේ නම්, මෙම ප්‍රවෘත්තිය පළ කිරීමේදී ජනතාව නොමග යවන ලෙස මාධ්‍ය වාර්තා පළ කළේ ද? යන්න පිළිබදව විමසීමට අපි කටයූතු කළෙමු.
එහිදී අසංක නවරත්න ඇතුළු කණ්ඩායම සජිත් ප්‍රේමදාස හමුවීමෙන් පසු විපක්ෂ නායක කාර්යාලයේ මාධ්‍ය ඒකකය මාධ්‍ය නිවේදනයක් සහිත වීඩියෝවක් මාධ්‍ය වෙත මුදා හැර තිබිණි. “මන්ත්‍රී අසංක නවරත්න විපක්ෂ නායක හා අත්වැල් බැද ගනී” යන්න එම නිවේදනයේ සිරස්තලය වී තිබිණි. ඒ සමග පළ වූ වීඩියෝවේ හඩ අක්‍රීය වී තිබිණි.
