මධ්‍යසාර හෘද රෝග සඳහා හිතකරද? නැද්ද යන්න පිළිබඳව සංවාද වරින් වර ඇති වෙමින් පැවැතිණි.

ඒ පිළිබඳ ව මෑතකදී වඩාත් කතා බහට ලක් වූයේ හෘද රෝග විශේෂඥ වෛද්‍ය වසන්ත හෙට්ටිආරච්චි මහතා ,මධ්‍යසාර යම්කිසි ප්‍රමාණයක් ගැනීම ශරීරයට අහිතකර නොවන බවට ජාතික රූපවාහිනියේ “නුගසෙවන” වැඩසටහනේ දී ප්‍රකාශ කළ ප්‍රකාශයත් සමගයි.

විශේෂයෙන්ම සමාජ මාධ්‍ය තුළ මෙම ප්‍රකාශය පිළිබඳ වැඩි කතාබහක් ඇති වී තිබෙන බව factseeker නිරීක්ෂණය කළෙමු.

Factseer වෙත ලැබුනු විශේෂ ඉල්ලීමකට අනුව මෙම ප්‍රකාශයේ සත්‍ය අසත්‍යතාව පිළිබඳ ව අපි නිරීක්ෂණයක්  කළෙමු.

එහිදී factseekr හෘදරෝග විශේෂඥ වෛද්‍ය අනිදු පතිරණ මහතාගෙන් කළ විමසීමකදී ඔහු සඳහන් කළේ, සෞඛ්‍යමය වශයෙන් සහ සමාජයීය වශයෙන් මධ්‍යසාර යනු ගැටලුකාරි ද්‍රව්‍යයක්  බවයි. එමෙන්ම ඕනෑම පුද්ගලයෙකුට පෞද්ගලික මත තිබිය හැකි නමුත් සමස්තයක් ලෙස මධ්‍යසාර භාවිතය හෘදරෝගවලට හානිකර වන බවයි.

එමෙන්ම අද දෙරණ Big Focus රූපවාහිනී වැඩසටහන සමග සම්බන්ධ වෙමින් විශේෂඥ වෛද්‍ය මහාචාර්ය අර්ජුන ද සිල්වා මහතා සදහන් කර තිබුණේ මධ්‍යසාර පොඩි ප්‍රමාණයක් ගැනීමත් ශරීරයට අහිතකර වන බවයි.https://www.facebook.com/watch/?v=1076357520402240&extid=CL-UNK-UNK-UNK-AN_GK0T-GK1C&ref=sharing&mibextid=Nif5oz

Factseeker තව දුරටත් කරුණු සොයා බැලීමේ දී, මේ වසරේ (2023) ජනවාරි මස ලෝක සෞඛ්‍ය සංවිධානය මගින් ප්‍රකාශයට පත් කල වාර්තාවට අනුව මධ්‍යසාර භාවිතය ශරීරයට අහිතකර බව පෙන්වා දෙයි.https://www.who.int/europe/news/item/04-01-2023-no-level-of-alcohol-consumption-is-safe-for-our-health

සමස්තයක් ලෙස, ලෝක සෞඛ්‍ය සංවිධාන වාර්තාව සහ විශේෂඥ වෛද්‍ය මතයන්ට අනුව මධ්‍යසාර යම් පමණක් හෝ භාවිතා කිරීම සෞඛ්‍යට අහිතකර බව Factseeker තහවුරු කරයි.