බුදුදහම පවත්වාගෙන යන්න මාලිමාවේ ආණ්ඩුවකින් අනුග්රහය දෙන්නේ නැති බව හඳුන්නෙත්ති කිව්වාද?
"බුදුදහම පවත්වාගෙන යන්න මාලිමාවේ ආණ්ඩුවකින් අනුග්රහය දෙන්නේ නෑ - මාලිමාවේ මුදල් ඇමති සුනිල් හඳුන්නෙත්ති කියයි" යනුවෙන් පුවත්පතක පළවූ පුවතක් ලෙස සටහනක් සමාජ මාධ්ය හරහා හුවමාරු වෙමින් පවතී.
by Anonymous |
අගෝස්තු 29, 2024
මෙය සත්යද? යන්න පිළිබඳ ව සොයා බලන ලෙස Factseeker වට්ස්ඇප් (Whatsapp) සමූහය වෙත ඉල්ලීමක් ලැබී තිබිණි.
ජනාධිපතිවරණ උණුසුමත් සමග ජාතික ජන බලවේගය සහ බෞද්ධාගම සම්බන්ධ කර ගනිමින් වරින් වර ව්යාජ පුවත් හුවමාරු වීම නිසා Factseeker ඉහත ප්රකාශය පිළිබඳව අවධානය යොමු කළෙමු.
එහිදී පසුගිය දිනවල මෙරට ජාතික පුවත්පත්වල මෙවැනි ප්රවෘත්තියක් පළ කර ඇති ද? යන්න පිළිබඳව මුලින්ම නිරීක්ෂණය කළෙමු. නමුත් එවැනි ප්රවෘත්තියක් ජාතික පුවත්පත්වල පළ කර ඇති බවක් නිරීක්ෂණය නොවුණි.
ඉන් පසු මේ සම්බන්ධයෙන් ජාතික ජන බලවේගයේ මාධ්ය ඒකකයෙන් කළ විමසීමේදී ඔවුන් ප්රකාශ කළේ, මෙවැනි ප්රකාශයක් සුනිල් හඳුන්නෙත්ති විසින් ප්රකාශ නොකළ බවයි.
එමෙන්ම කිසිදු පුවත්පතක මෙවැනි පුවතක් පළ කර නැති බව ද ඔවුන් අවධාරණය කළේ ය.
ඒ අනුව “බුදුදහම පවත්වාගෙන යන්න මාලිමාවේ ආණ්ඩුවකින් අනුග්රහය දෙන්නේ නෑ – මාලිමාවේ මුදල් ඇමති සුනිල් හඳුන්නෙත්ති කියයි” පෝස්ටුව පුවත්පතක පළ කළ ප්රවෘත්තියක් ලෙස නිර්මාණය කර හුවමාරු කර ගත් සටහනක් බව Factseeker තහවුරු කරයි.
