තාර නැතහොත් කොන්ක්‍රීට් ආකාරයේ මිශ්‍රණයක් ලෙස මෙම ගංවතුර තත්ත්වය කෙරේ අදහස් පළවීම හේතුවෙන් මේ පිළිබද වැඩිදුර කරුණු පරීක්ෂා කිරීමට factseeker කටයුතු කරනු ලැබීය.

https://www.facebook.com/share/v/1BBubSQvdG/

ඒ අනුව මෙම වීඩියෝ පටයේ ඇති අස්වාභාවික බව නිසා මෙය AI තාක්ෂණය භාවිතයෙන් නිර්මාණය කරන ලද්දක් දැයි කරුණු තහවුරු කිරීමට කටයුතු කළ අතර එය AI තාක්ෂණය යොදාගනිමින් කරන ලද්දක් නොවන බවට Fact seeker ට තහවුරු කර ගැනීමට හැකි විය.

එසේම මෙහි සත්‍ය අසත්‍යතාව පිළිබද කරුණු පරීක්ෂා කිරීමේදී අපට දැක ගත හැකිවූයේ මෙම ගංවතුර තත්ත්වය පකිස්ථානයේ ගිල්ගිට් ප්‍රදේශයේ සැබවින්ම සිදුවූවක් බවයි.
එම වීඩියෝව පහතින්:
https://youtu.be/QXs0vGhMpA4?si=yZN4uBb8Cv3FWP7b
මෙම ගංවතුර තත්ත්වය 2025 අගෝස්තු මස 10 වන දින උතුරු පාකිස්ථානයේ ගිල්ගිට් අසල ග්ලැසියර පිපිරීම හේතුවෙන් ඇතුවූ බවත් පර්යේෂණ කණ්ඩායමක් වන world weather Attribution විසින් කළ පර්යේෂණයකදී අනාවරණය කර ගෙන ඇත.
ගෝලීය උණුසුම ඉහළයාම හේතුවෙන් ඉකුත් ජුනි 24 දා සිට ජුලි 23 දා දක්වා වර්ෂාපතනය 10% සිට 15% දක්වා වැඩිවීම මෙම ග්ලැසියර පිපිරී යාමට හේතු වූ බව ද ඔවුන් වැඩිදුරටත් අනාවරණය කරයි.
එසේම පකිස්ථානයේ ” හුන්සා “සහ “නගර්” වල 2018 වසරෙන් පසු ඇතිවූ ඉහළම ගංවතුර ප්‍රමාණය මෙම උතුරු ගිල්ගිට් හි ඇතිවූ ගංවතුර තත්වය ලෙස ගිල්ගිට් – බෝල්ටිස්තාන් ආපදාකරණ අධිකාරියේ ( GBDMA )සහකාර අධ්‍යක්ෂ සුබයිර් අහමඩ් ඛාන් පකිස්ථානයේ DAWN ඊ – පුවත්පතට ප්‍රකාශ කර තිබුණි.

මෙවැනිම ආකාරයේ ගංවතුර තත්ත්වයන් පිළිබද පාකිස්ථානයේ විවිධ ප්‍රදේශයන්හි වාර්තා පළ වුණ අතර පාකිස්තානයේ Skardu දිස්ත්‍රික්කයේ Giyayul Nala වැනි ප්‍රදේශ ඒ අතරට අයත්ය.
එවැනිම විවිධ ප්‍රරදේශයන්හි ඇතිවූ ගංවතුර තත්වයන් පහතින්:
https://www.facebook.com/reel/2192533254558817
https://www.facebook.com/reel/1591850078453677
https://www.facebook.com/share/r/1ApqrkVnxP/
ඒ අනුව සමාජ මාධ්‍ය ඔස්සේ සංසරණය වන මෙම පාකිස්ථාන ගංවතුර සම්බන්ධ වීඩියෝව සත්‍ය වීඩියෝවක් බව Factseeker කරුණු තහවුරු කරයි.