මෙරට නව වැනි විධායක ජනාධිපති ලෙස අනුර කුමාර දිසානායක දිවුරුම් දීමෙන් අනතුරුව ඊයේ (23) පස්වරුවේ මහනුවර ශ්‍රී දළඳා මාළිගාවට ගොස් දන්ත ධාතූන් වහන්සේ වැඳපුදා ගත්තේය. ධුරයේ වැඩ භාර ගැනීමෙන් අනතුරුව දළඳා වහන්සේ වැඳපුදා ගෙන ආශිර්වාද ලබාගැනීම මෙරට රාජ්‍ය නායකයින් අනුගමනය කරන චාරිත්‍රයකි.

අනුර කුමාර දිසානායක දළඳා වහන්සේ වැඳ පුදා ගැනීමෙන් අනතුරුව ශ්‍රී දළඳා මාලිගාවේ අමුත්තන්ගේ සටහන් පොතේ විශේෂ සමරු සටහනක් තැබීය. මෙයද සම්ප්‍රදායක් ලෙස සිදු කෙරෙන්නකි.

මෙහිදී අනුර කුමාර දිසානායක මෙම සමරු සටහන තබන අවස්ථාව දළඳා පෙරහැර නැවැත්වීම සඳහා අත්සන් තැබීමක් ලෙස සඳහන් කරමින් උපහාසාත්මක මෙන්ම එසේ නොවන සමාජ මාධ්‍ය සටහන් අපගේ නිරීක්ෂණයට ලක් විය.

මේ පිළිබඳව FactSeeker කළ සොයා බැලීමේදී එම අවස්ථාවේ ඡායාරූප, මාධ්‍ය වාර්තා, සමීප වීඩියෝ දසුන් පරීක්ෂා කළ අතර එහිදී අදාළ පෝස්ටුවල දැක්වෙන අන්දමේ කිසිදු කටයුත්තක් එහි සිදු නොවූ බව තහවුරු විය.

ප්‍රධාන ධාරාවේ මාධ්‍ය මෙම සිදුවීම වාර්තා කර තිබුණේ මෙලෙසින්.

Tv දෙරණ ප්‍රවෘත්ති ප්‍රකාශය: https://youtu.be/rcwM3AscvRE?t=53

හිරු Tv ප්‍රවෘත්ති ප්‍රකාශය:https://youtu.be/Ofe5JJsGZUE?t=16

මීට පෙර හිටපු ජනාධිපතිවරුන් වන මෛත්‍රීපාල සිරිසේන සහ ගෝඨාභය රාජපක්ෂ ද පදවි ප්‍රාප්තියෙන් පසුව දළඳා මාලිගාවේදී මෙසේ සමරු සටහන් තබා ඇති බව දැක්වෙන පුවත් වාර්තා අපට හමු විය.

හිටපු ජනාධිපති මෛත්‍රීපාල සිරිසේන

https://www.facebook.com/share/nt597VQJfuNhAxwo/

හිටපු ජනාධිපති ගෝඨාභය රාජපක්ෂ

https://sinhala.news.lk/news/photo-story/item/35817-2019-11-20-10-01-19

ඒ අනුව, අදාළ ඡායාරූපවල දැක්වෙන සිදුවීම දළඳා පෙරහැර නැවැත්වීම සඳහා අත්සන් තැබීමක් නොවන බව FactSeeker තහවුරු කරයි.