මේ සම්බන්ධයෙන් සොයා බලන ලෙස Factseeker වෙත ලැබුණු ඉල්ලීකට අනුව ඒ පිළිබද සොයා බැලීය.

“අලි ඇතුන් යොදා නොගන්නේ නම් දළදා පෙරහැර අපේ පාලනයකදී වුවත් බෞද්ධ ජනතාවට කළ හැකියි – සිංහල, දෙමළ හා මුස්ලිම් අපි හැමෝම එකතු වෙලා පෙරහැර කරමු” යනුවෙන් එලෙස හුවමාරු වන පොස්ටුවේ සදහන් කර ඇත.

එය “දසත news” නම් වෙබ් අඩවියට පළ කර ඇති බවට සඳහන් කර තිබේ.

එබැවින් Factseeker “දසත news” වෙඩ් අඩවිය, ෆේස්බුක් පිටුව සහ යු ටියුබ් නාලිකාව තුළ මෙහි සඳහන් දිනයේ හෝ ඊට ආසන්න දිනයක පළ කර ඇති දැයි අප සොයා බැලු අතර එවැන්නක් සොයා ගැනීමට නොහැකි විය.

එමෙන්ම ප්‍රධාන මාධ්‍ය තුළ මෙය වාර්තා කර ඇති දැයි සොයා බැලු අතර එලෙස වාර්තා කිරීමක් ද කර නොතිබුණි.

එමෙන්ම අදාළ දිනයේ හෝ ආසන්න දිනවලදී ජාතික ජන බලවේගයේ මහජන රැළි තුළ හරිනි අමරසුරිය මන්ත්‍රීවරිය කළ ප්‍රකාශ සම්බන්ධයෙන් අවධානය යොමු කළ අතර එහිදී ද එවැන්නක් ප්‍රකාශ කර ඇති බවට සාධක හමු නොවුණි.

අපි මේ සම්බන්ධයෙන් ජාතික ජන බලවේගයේ මාධ්‍ය ඒකකයෙන් කළ විමසීමකදී ඔවුන් ප්‍රකාශ කළේ හරිනි අමරසූරිය එවැනි ප්‍රකාශයක් කර නැති බවයි.

factseeker මේ සම්බන්ධයෙන් පාර්ලිමේන්තු මන්ත්‍රී හරිනි අමරසුරිය මහත්මියගෙන් කළ විමසීමේදී  ඇය පැවසුයේ තමන් මෙවැනි ප්‍රකාශයක් නොකළ බවත් මෙය සම්පුර්ණයෙන්ම අසත්‍ය ප්‍රකාශකයක් බවත්ය.

ඒ අනුව මෙය අසත්‍ය ප්‍රකාශයක් බව factseeker තහවුරු කරයි.