තඹුත්තේගමින් හමු වූ බව කියන විශාලතම මාළුවා AI නිර්මාණයක්
දැනට හමුවී ඇති විශාලතම සහ බරින් වැඩිම මාළුවා තඹුත්තේගම නගරයේ අපද්රව්ය බැහැර කරන නලයකින් හමුවී ඇති බවට සටහනක් සහිත ඡායාරූපයක් සමාජ මාධ්ය හරහා හුවමාරු වෙමින් පවතී.
by Anonymous |
ජූලි 29, 2024
මේ පිළිබඳ අදහස් දැක්වීම් සහ වේගයෙන් හුවමාරුවීම් සිදුවන බැවින් මේ පිළිබඳව සොයාබැලීමට factseeker කටයුතු කළේය.
මේ පිළිබඳ පුවත් ප්රධාන මාධ්ය තුළ පළවී ඇති ද? යන්න සහ තඹුත්තේගම ප්රදේශයෙන් මෙවැන්නක් වාර්තාවී ඇතිද? යන්න සොයා බැලු අතර එවැන්නක් වාර්තා වී නොමැති බව තහවුරු විය.
මෙය කෘත්රිම බුද්ධිය ඇසුරෙන් නිර්මාණය කර ඇති ද? යන්න පිළිබඳව පරීක්ෂා කිරීමේදී මෙය කෘත්රිම බුද්ධිය ඇසුරෙන් නිර්මාණය කරන ලද ඡායාරූපයක් බවට අනාවරණය විය.
ඒ අනුව දැනට හමුවී ඇති විශාලතම සහ බරින් වැඩිම මාළුවා තඹුත්තේගම නගරයේ අපද්රව්ය බැහැර කරන නලයකින් හමුවී ඇති බවට සටහනක් සහිත ඡායාරූපය කෘත්රිම බුද්ධිය ඇසුරෙන් කරන ලද්දක් බව factseeker තහවුරු කරයි.
