මෙය අමාත්‍යවරයා සමග කළ සම්මුඛ සාකච්ඡාවක් ලෙස “විජිත හේරත් මහතාගේ නියෝගය පරිදි, ශ්‍රී ලංකාවේ පදිංචිකරුවන්ට බදුවලින් ආදායම් ලැබීම ආරම්භ වේ.”යන ශීර්ෂ පාඨයෙන් ඩේලිමිරර් වෙබ් අඩවියේ පළ කර ඇති බවට හුවමාරු කර ගෙන ඇත.

එම සබැඳිය මෙතැනින් – https://shorturl.at/7cx3h

මෙය සත්‍ය ද? යන්න විමසා බලන ලෙස Factseeker වෙත ලැබුණු ඉල්ලීමකට අනුව අපි ඒ පිළිබඳ සොයා බැලුවෙමු.

මෙම සබැඳිය වෙත පිවිසීමේදී එය 2025 පෙබරවාරි 14 වෙනි දින ඩේලිමිරර් වෙබ් අඩවියේ පළ කර ඇති බවට පෙන්වුම් කරයි.

මේ සම්බන්ධයෙන් Factseeker ඩේලිමිරර් වෙබ් අඩවිය පරීක්ෂා කළ බැලූ අතර එහි එවැනි සම්මුඛ සාකච්ඡාවක් හෝ ප්‍රවෘත්තියක් පළ කර නොතිබිණි. එමෙන් ම එම ප්‍රවෘත්තිය පළ කර ඇති වෙබ් අඩවියේ ලාංඡනය හා ඩේලිමිරර් වෙබ් අඩවියේ ලාංඡනය අතර අසමානකමක් ද පවතී.

අපි මේ සම්බන්ධයෙන් ඩේලිමිරර් වෙබ් අඩවියේ ප්‍රධානියෙකුගෙන් කළ විමසීමකදී ඔහු ප්‍රකාශ කළේ, මෙවැනි ප්‍රවෘත්තියක් සිය වෙබ් අඩවියේ පළ නොවූ බවයි. එමෙන්ම ඒ සඳහා භාවිත කර ඇති ලාංඡනය ඩේලිමිරර් වෙබ් අඩවියේ පැරණි ලාංඡනය බව ද ඔහු සඳහන් කළේ ය.

එමෙන්ම මීට පෙර අවස්ථා කිහිපයකදී ද ඩේලිමිරර් වෙබ් අඩවියේ ආකෘතියට අනුව සකස් කළ ව්‍යාජ වෙබ් අඩවියක් පවතින බව මහජනතාවට දැනුම් දුන් බවත් මෙය ද එවැනි ව්‍යාජ ලෙස සකස් කළ ප්‍රවෘත්තියක් බව ත් හෙතෙම වැඩිදුරටත් ප්‍රකාශ කළේ ය.