ජෙරම් ප්රනාන්දුට මන්ත්රී පදවියක් දෙන්න සැරසුන පක්ෂය කුමක්ද?
![False](https://factseeker.lk/sinhala/wp-content/uploads/sites/4/2023/09/Impressions-5-1.png)
ජෙරම් ප්රනාන්දුට මන්ත්රී පදවියක් දෙන්න සැරසුන පක්ෂය කුමක්ද?
by Anonymous |
නොවැම්බර් 14, 2023
![](https://factseeker.lk/sinhala/wp-content/uploads/sites/4/2023/11/51.png)
මේ දිනවල ලාංකීය සමාජයේ ප්රබල අවධානයට ලක් වී සිටින ජෙරම් ප්රනාන්දු දේවගැතිවරයාට ජාතික ලැයිස්තුවෙන් මන්ත්රී ධූරයක් ලබා දෙන බවට කිසිදු පොරොන්දුවක් දී නැතැයි විපක්ෂයේ ප්රධාන දේශපාලන පක්ෂ දෙකක් අවධාරණය කරයි.
ආන්දෝලාත්මක ප්රකාශයක් කිරීමෙන් අනතුරුව ජෙරම් ප්රනාන්දු දේවගැතිවරයා මේ වනවිට රටින් බැහැරව සිටියි. එම ප්රකාශය සම්බන්ධයෙන් විමර්ශන පවත්වන මෙන් ජනාධිපති රනිල් වික්රමසිංහ පොලිසියට උපදෙස් දී ඇති අතර, තවත් පාර්ශව ගණනාවක් ඔහුට එරෙහිව පොලිසියට පැමිණිලි කොට තිබේ.
මේ අතර සති අන්ත ඊ පුවත්පතක් වන Chatham Street Journal වාර්තාකොට තිබුණේ ඔහුට ජාතික ලැයිස්තුවෙන් මන්ත්රී ධුරයක් ලබාදෙන බවට විපක්ෂයේ පක්ෂ නායකයෙකු පොරොන්දු වී ඇති බවය.
ඒ පිළිබඳව Factseeker කළ විමසීමකදී ප්රධාන විපක්ෂය වන සමගි ජනබලවේගයේ පාර්ලිමේන්න්තු මන්ත්රී එරාන් වික්රමරත්න කියා සිටියේ සිය පක්ෂය එවැනි කිසිදු තීන්දුවක් ගෙන නොමැති බවය. එමෙන්ම මේ සම්බන්ධයෙන් සිය පක්ෂය අභ්යන්තරයේ කිසිදු සාකච්ඡාවක් ද කර නැති බවත් ඔහු සඳහන් කළේ ය.
ජනතා විමුක්ති පෙරමුණ එවැනි දෙයක් සම්බන්ධයෙන් සාකච්ඡාවක් හෝ කර නැති බව එහි ප්රධාන ලේකම් ටිල්වින් සිල්වා Factseeker සමග පැවසීය.
මේ අතර මේ දිනවල විදේශගතව සිටින ජෙරම් ප්රනාන්දු දේවගැතිවරයා සිය ප්රකාශය සම්බන්ධයෙන් සමාව ඉල්ලා තිබිණ.