ජාතික ජන බලවේගය ආණ්ඩුව පත්වීමෙන් පසුව ජාතික රූපවාහිනියේ සභාපති ලෙස පත් කළ සෙනේෂ් දිසානායක බණ්ඩාර මහතා පසුගියදා ඉල්ලා අස්වු අතර ඔහුගෙන් පුරප්පාඩු වූ එම ධූරය සඳහා සුදත්ත තිලකසිරි පත්කළ බවට මෙලෙස සමාජ මාධ්‍ය පෝස්ට් හුවමාරු වේ.

නව සභාපතිවරයා පිළිබඳව ජාතික රූපවාහිනයෙන් කළ විමසා බැලීමේදී ගිහාන් ද සිල්වා මහතා නව සභාපති ලෙස පත්කර ඇති බවත් ඔහු අද (26දා) දා වැඩ භාරගත් බවත් සඳහන් කළේය.

ගිහාන් ද සිල්වා මහතා ජාතික රූපවාහිනියේ නව සභාපති ලෙස වැඩ භාරගත්තා බව ජාතික පුවත් වෙබ් අඩවිද අද දිනයේ වාර්තා කර තිබුණි. එම අවස්ථාවට පාර්ලිමේන්තු මන්ත්‍රී නජිත් ඉන්දික මහතා ද සහභාගි වී සිටින ඡායාරූපයක් ද පළකර තිබුණි.

ඒ අනුව ජාතික රූපවාහිනියේ නව සභාපති ලෙස සුදත්ත තිලකසිරි වැඩ භාරගත් බව දැක්වෙන පුවත අසත්‍ය බව factseekr සඳහන් කරයි